धनगढी : राष्ट्रिय स्वतन्त्र पार्टीका सुदूरपश्चिम प्रदेश सभापति इन्जिनियर प्रकाश विष्टले देश बनाउने महाअभियानमा सबैलाई गोलबद्ध हुन आह्वान गरेका छन् ।
रास्वपा देश बनाउने महान लक्ष्यसहित स्थापना गरिएको पार्टी भएको बताउदै विष्टले सबै राजनीतिक दलका नेता तथा कार्यकर्तालाई आफ्नो पार्टीमा गोलबद्ध भएर महाअभियानमा सहभागी हुन आग्रह गरेका हुन् ।
स्थापना दिवसको अवसरमा रास्वपाले बिहीबार धनगढीमा आयोजना गरेको चियापान कार्यक्रमलाई सम्बोधन गर्दै विष्टले ढिलो चाडो सबै दलका व्यक्तिहरु रास्वपाको महाअभियानमा सामेल हुने विश्वास समेत व्यक्त गरे ।
विष्टले मुुलुकमा अहिले बनेको सरकारले छिमेकी मुलुकले के भन्छ भनेर खुुट्टा कमाएर बसेका कारण देशले कुनै नतिजा पाउन नसकेको टिप्पणी समेत गरेका छन् भने रास्वपाले हरेक नागरिकलाई आफ्नो सरकार अभिभावक भएको अनुभूूती हुनेगरी अहिले देखि नै योजना बनाइरहेको दाबी गरे ।
उनले नेपालमा उपलब्ध प्राकृतिक स्रोत, साधनको पहिचान गर्दै उचित सदुपयोग गर्न नसकेका कारण अन्य मुलुक भन्दा पछि परेको बताउदै मुख्य समस्या नीतिगत व्यस्था भएको उल्लेख गरे ।