धनगढी: निरन्तरको वर्षाका कारण सडकमाथिबाट खसेको पहिरोले गएरातिदेखि अवरुद्ध जयपृथ्वी राजमार्ग सुचारु भएको छ । उक्त राजमार्गअन्तर्गत बैतडीको श्रीभावरमा पहिरो खस्दा पूर्ण रूपमा बन्द भएको यातायात सेवा सुचारु भएको हो ।
सडकमा खसेको पहिरो पन्छ्याएपछि राजमार्ग सुचारु भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए । सडक सुचारु भएसँगै बैतडी हुँदै बझाङ जाने र बझाङबाट बाहिरिने यात्रु र सवारी साधन गन्तव्यतर्फ लागेका छन् ।
Facebook Comments Box