धनगढी: धनगढीस्थित जिल्ला कारागार कार्यालय कैलालीमा कैदी भेट्न आएका एक युवक आफै पक्राउ परेका छन् ।
पक्राउ पर्नेमा डोटीको बोगटान फुड्सिल गाउँपालिका-६ घर भई हाल धनगढी उप–महानगरपालिका३ चटकपुरमा नास्ता पसल सञ्चालन गरिरहेका २५ वर्षीय भीम बोगटी रहेका छन् ।
जिल्ला प्रहरी कार्यालय कैलालीका अनुसार उनी कैलाली कारागारमा जबरजस्ती करणी मुद्दामा कैद भुक्तान गरिरहेका ३१ वर्षीय करन बमलाई भेट्न भनी गएका थिए ।
उनलाई चेकजाँच गर्दा स्याम्पुको डब्बाभित्र लुकाइछिपाइ ल्याएको १३ ग्राम ब्राउन सुगर फेला परेको थियो । उनलाई नियन्त्रणमा लिई जिप्रका कैलालीबाट लागुऔषध मुद्दामा म्याद थप गरी अनुसन्धान भइरहेको प्रहरीले जनाएको छ ।
Facebook Comments Box