काठमाडौं: लर्ड अफ ड्रिंक्स (एलओडी) क्लबका सञ्चालक राजुसिंह सुवाल पक्राउ परेका छन्। जिल्ला प्रहरी परिसर ललितपुरको टोलीले सञ्चालक सुवाललाई काठमाडौंको बालुवाटारबाट पक्राउ गरेको हो।
एलओडीमा एक १५ वर्षीया किशोरीलाई मादक पदार्थ खुवाएर ललितपुर पुर्याएर बलात्कार गरेको आरोपमा यसअघि नै पोखराका सुदन कोइराला पक्राउ परेका थिए।
नाबालिगलाई ऐन विपरीत क्लबमा प्रवेश दिएको घटनामा एलओडीका दुवै सञ्चालकविरुद्ध बिहीबार पक्राउ पुर्जी जारी भएको थियो। सोही आधारमा सुवाल पक्राउ परेका हुन् भने अर्का सञ्चालक रुदिप श्रेष्ठ फरार छन्।
पीडित किशोरीले कोइरालाविरुद्ध जेठ ३१ गते उजुरी दिएकी थिइन्।
Facebook Comments Box