बैतडी: बैतडीमा बस दुर्घटना भएको छ । आज दिउँसो १ बजेतिर ञ्चेश्वरको कुलाउदेखि महेन्द्रनगरका लागि छुटेको लु २ ख २०११ नम्बरको बस मेलौली नगरपालिका-७ स्वाखानीमा दुर्घटना भएको प्रहरीले बताएको छ । दुर्घटनामा परी घाइते भएका ३९ जनाको उद्धार गरी केशरपुर प्राथमिक स्वास्थ्य केन्द्र मेलौलीमा पुर्याइएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए । बस सडकबाट अन्दाजी चार सय मिटर तल खसेर रुखमा अड्किएको छ । बसमा कति जना सवार थिए भन्ने कुरा यकीन हुन बाँकी रहेको बताइएको छ ।
Author: महेन्द्रनगर पोष्ट
बैतडी: बैतडीको गोकुलेश्वर कृषि क्याम्पसलाई आंगिक बनाउन माग गर्दै प्रधानमन्त्री पुष्पकमल दाहाल प्रचण्डलाई ज्ञापन पत्र बुझाइएको छ । जिल्लाको डिलाशैनी गाउँपालिकामा रहेको गोकुलेश्वर कृषि तथा पशु विज्ञान क्याम्पसलाई सरकारी विश्वविद्यालयको आंगिक क्याम्पस बनाउन माग गरिएको हो । त्रिभुवन विश्वविद्यालयको सम्बन्धन प्राप्त उक्त क्याम्पसमा प्राविधिक शिक्षा भएकाले सरकारले उक्त क्याम्पसलाई आंगिक बनाएर गाँउमै उच्च शिक्षाको सुविधा दिलाउनुपर्ने अभिभावकको माग अनुरुप सञ्चालक समितिले त्रिविका कुलपति समेत रहेका प्रधानमन्त्री प्रचण्डलाई भेटेरै ज्ञापन पत्र बुझाएको विद्यार्थी नेता तिलक मालले बताए । क्याम्पस प्रमुख प्रमानन्द जोशीले प्रधानमन्त्रीलाई ज्ञापन पत्र हस्तान्तरण गरेका हुन् । ज्ञापन पत्र बुझ्दै प्रधानमन्त्री प्रचण्डले शैक्षिक सम्भाव्यता अध्ययन गरेर सरकारले जनताको मागअनुरुप…
कैलाली: कैलालीको एक होटेलबाट ७ जना जुवाडे पक्राउ परेका छन् । जिल्लाको गोदावरी नगरपालिका–२ महेन्द्रनगर रोडका ३९ वर्षीय प्रेम बोहराको सिगास होटेलमा जुवातास खेलिरहेका बोहरासहित ७ जनालाई प्रहरीले पक्राउ गरेको हो । उनीहरू २७ हजार ६ सय रूपैयाँ र १ बुक ताससहित पक्राउ परेका इलाका प्रहरी कार्यालय मालाखेतीले जनाएको छ । यसबारे थप अनुसन्धान भइरहेको बताइएको छ ।
कञ्चनपुर: कञ्चनपुरमा नदीमा डुबेर एक पुरुषको मृत्यु भएको छ । जिल्लाको वेदकोट नगरपालिका–१० नयाँगाउँका ६० वर्षीय नवलसिंह रावलको आइतवार नदीमा डुबेर मृत्यु भएको प्रहरीले बताएको छ । जिल्ला प्रहरी कार्यालय कञ्चनपुरका अनुसार वनकट्टी खोला र चौधर नदीको दोभानमा डुबेर उनको मृत्यु भएको हो ।
बझाङ: बझाङमा जेसिबि दुर्घटना भएको छ । आज जिल्लाको छबिस पाथिभेरा गाउँपालिका–४ को ब्यासी बजारको बालुवा खानीमा बा३झ २३३५ नम्बरको जेसिबि दुर्घटना भएको हो । दुर्घटनामा जेसिबि चालक नुवाकोटको विदुर नगरपालिका–११ का अन्दाजी २८ वर्षीय युवराज तिमिल्सेना घाइते भएका र उनलाई उपचारको लागि जिल्ला अस्पताल लगिएको जिल्ला प्रहरी कार्यालय बझाङले जनाएको छ । जेसिबि सडकबाट २५० मिटर तल खसेकाले पुर्ण रुपमा क्षति भएको जनाइएको छ ।
काठमाडौँ: सुदूरपश्चिम विश्वविद्यालयले शिक्षक तथा कर्मचारी माग गरेको छ । विश्वविद्यालयले करार सेवामा शिक्षक तथा कर्मचारी माग गरेको हो । उपप्राध्यापक, सहायक प्रशासक र ल्याव असिस्टेण्ट १/१ जना माग गरिएको छ ।
कैलाली: कैलालीमा लागुऔषधसहित दुई युवक पक्राउ परेका छन् । जिल्लाको टीकापुर नगरपालिका–१ गणेशपुरमा २५ वर्षीय अनिल चौधरी र ब्लक नम्बर–१९ का २५ वर्षीय डायमण्ड विक्रम शाह पक्राउ परेका हुन् । इलाका प्रहरी कार्यालय टीकापुरबाट खटिएको प्रहरी टोलीले आइतवार उनीहरुलाई पक्राउ गरेको हो । शाहले लगाएको हाफ पाइन्टको खल्तिमा १८० मिलिग्राम खैरो हिरोइन र चौधरीले बोकेको झोलाभित्र ५२० मिलिग्राम लागुऔषध फेला परेको प्रहरीले जनाएको छ । चौधरीको घरको कोठाबाट समेत २ ग्राम ९०० मिलिग्राम लागुऔषध फेला परेको र दुबै जनालाई नियन्त्रणमा लिई अनुसन्धान भइरहेको इलाका प्रहरी कार्यालय टिकापुरले जनाएको छ ।
महेन्द्रनगर: कुनै बेला भौगोलिक विकटता र सडक पूर्वाधार नहुँदा काठमाडौँ उच्च शिक्षा अध्ययनका लागि जान सुदूरपश्चिमवासीलाई निकै सकस थियो । त्यो बेला अध्ययनका लागि भारतीय बाटो प्रयोग गरेर मुलुकको राजधानी अध्ययनका लागि पुग्ने बाध्यता मुलुकमा व्यवस्था परिर्वतनसँगै अन्त्य भयो । अब शैक्षिक विकासको दृष्किोणले अब सुदूर, सुदूर (टाढा) रहेन । नेपालमा शिक्षाको उदय सुदूरपश्चिमबाटै भएको भए पनि सुदूरपश्चिम शिक्षाबाट सधैँ ओझेलमा परेको विषय अब इतिहास भइसकेको छ । तत्कालीन बझाङ्गी राजा जयपृथ्वीबहादुर सिंहले बझाङमा खोलेका पाठशाला तत्कालीन शासकले बन्द गरेपछि शिक्षाको उज्यालो सुदूरपश्चिमबाट टाढा रहन पुग्यो । मुलुकमा राजनीतिक परिवर्तनसँगै शिक्षा क्षेत्रमा पनि विकास हुँदै गएको शिक्षाविद्को बुझाइ छ ।…
भोजपुर: भोजपुर नगरपालिका–१२ टक्सारमा मृग ठानेर भरुवा बन्दुकले हान्दा आफ्नै साथीको ज्यान गएको छ । बन्दुकले लागेर भोजपुर–१२ टक्सारका १८ वर्षीय दिप्सन प्रधानको ज्यान गएको जिल्ला प्रहरी कार्यालय भोजपुरले जनाएको छ । घटनामा संलग्न छ जनालाई नियन्त्रणमा लिएर अनुसन्धान थालेको जिल्ला प्रहरी कार्यालय भोजपुरका प्रमुख सरतकुमार थापा क्षेत्रीले जानकारी दिए । घटना यही असार २२ गते रातिको भए पनि गोली लागेर साथी मरेपछि उनीहरुले खोलाको बगरमा पुरेको उनको भनाइ छ । मानिस हराएको सूचनाको आधारमा अनुसन्धान गर्ने क्रममा गए राति उनीहलाई प्रहरीले नियन्त्रणमा लिएको हो । “घटना २२ गते रातिको भन्ने बुझिएको छ”, प्रहरी प्रमुख थापाले भने, “साथी मरेपछि अखुवा…
धनगढी: सुदूरपश्चिम प्रदेश सभाको बैठक आज साँझ ४ बजे बस्ने भएको छ । असार १ गते आर्थिक मामिला मन्त्री नरेश बहादुर शाहीले आर्थिक वर्ष २०८०/८१ को लागि २९ अर्ब २६ करोड ५९ लाख ३२ हजारको बजेट प्रस्तुत गरेका थिए । त्यस पछि अहिले सम्म बैठक बस्न सकेको थिएन । बजेट प्रस्तुत भएपछि आज पहिलो पटक बैठक बस्न लागेको हो । कार्य व्यवस्था परामर्श समितिको बैठकमा आज साझ ४ बजे संसद् बोलाउने सहमति भएको प्रदेश सभा सचिवालयका सूचना अधिकारी युवराज जैशीले जानकारी दिए । आजको बैठकमा असार ५ गते दुर्घटनामा ज्यान गुमाएका आन्तरिक मामिला तथा कानुन मन्त्रीको घटना प्रति शोक प्रस्ताव…