धनगढीः धनगढीको बसपार्क पछाडीबाट प्रहरीले भन्सार छलीका सामान जफत गरेको छ। आज वडा प्रहरी कार्यालय धनगढीबाट प्रहरी निरीक्षक उपेन्द्रबहादुर बमको कमण्डमा खटिएको प्रहरी मोबाईल गस्ती टोलीले झण्डै ८५ हजार ७५० मुल्य बराबरका भन्सार छलीका सामान जफत गरेको हो। टोलीले प्लाष्टिकका चप्पल २४५ जोर जफत गरेको हो।
Author: महेन्द्रनगर पोष्ट
धनगढीः कैलालीको गोदावरी नगरपालिकाबाट लागुऔषधसहित दुई जना पक्राउ परेका छन्। गोदावरी नगरपालिका–२ नमस्ते होटलको गल्ली स्थित पुनम सिजालीमगरको घरमा कोठा डेरा गरी बस्ने २० वर्षीय बिरेन्द्र वड र २४ वर्षीय विनोद दियाल आफ्नै घरबाट लागुऔषधसहित पक्राउ परेका हुन्। वड १९० मिलीग्राम र दियाल ८५० मिलीग्राम लागुऔषधसहित आज पक्राउ परेको प्रहरीले जनाएको छ।
डडेल्धुरा : सशस्त्र प्रहरी बल, नेपालले डडेल्धुरासहित विभिन्न ५ ठाउँमा विपद् व्यवस्थापन बेस स्थापना गरेको छ । डडेल्धुराको अमरगढीस्थित नम्बर ५२ गुल्ममा अट्याच रहने गरी विपद् व्यवस्थापन बेस स्थापनमा गरिएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए । पहाडी जिल्लामा हुने विपद् व्यवस्थापनका लागि सहस्त्र प्रहरी निरीक्षणको नेतृत्वमा २० जनाको टोली नम्बर ५२ गुल्ममा रहने छ । स्थापना भइसकेका विपद् व्यवस्थापन वेशमा आवश्यक सामान र जनशक्ति तैनाथ गरिसकेको छ बताइएको छ । सशस्त्र प्रहरी बल विपद् व्यवस्थापन तालिम शिक्षालय कुरिनटारबाट उत्पादित जनशक्तिलाई परिचालन गरेको हो । यसबाट तत्काल मनसुनजन्य प्रकोप तथा अन्य अवस्थामा हुने विपद्लाई समेत न्यूनीकरण गर्न र…
काठमाडौँ : अख्तियार दुरुपयोग अनुसन्धान आयोगले घुस लिएको अभियोगमा वडाध्यक्ष र वडा सचिवलाई पक्राउ गरेको छ । धनुषाको नगराइन नगरपालिकाका वडाध्यक्ष वुलन यादव र वडा सचिव अमृत नारायण मिश्रले सडक निर्माण कार्य सम्पन्न गरिदिए बापत ७० हजार रुपैयाँ घुस लिएको उजुरीको आधारमा यादव र मिश्रलाई अख्तियारले पक्राउ गरेको हो । उनीहरूलाई ७० हजार रुपैयाँ घुस रकमसहित पक्राउ गरिएको आयोगका प्रवक्ता भोला दाहालले जानकारी दिए । थप अनुसन्धान भइरहेको आयोगले जनाएको छ ।
धनगढी: नेपाललाई जातीय भेदभावमुक्त राष्ट्र घोषणा गरेको दिनको अवसरमा अस्ती जेठ २१ गते आइतबार बैतडीको दशरथचन्द नगरपालिकामा अन्तरक्रिया कार्यक्रमको गरिएको थियो। कार्यक्रममा मेयर, उपमेयर, वडा अध्यक्षहरुसँगै प्रमुख जिल्ला अधिकारी, प्रहरी प्रमुख (डिएसपी), दलित अधिकारकर्मी, मानव अधिकारकर्मीलगायतको सहभागीता थियो। अन्तरक्रिया चलिरहेका बेला सोही कार्यपालिका सदस्य प्रेम दयालले प्रश्न उठाए, ‘अहिलेको अवस्थामा पनि हाम्रै नगरपालिकामा जातीय विभेद भइरहेको छ, यसरी त कहिले हुन्छ र छुवाछुत अन्त्य ?’ दयालले कुनै व्यक्ति विशेषलाई तोकेर यस्तो प्रश्न उठाएका थिएनन्, सम्रग नगरपालिकाको अवस्था र आफ्नो पीडा सुनाइरहेको थिए। तर, दयालको त्यो प्रश्नले उपमेयर कौशिला चन्दको छोयो। उनले दलित समुदायलाई इङ्गित गर्दै भनिन्, ‘म ठकुरी हो। साच्चिकै…
काठमाडौँ: पाँच महिनाअघि ससुरालीबाट बेपत्ता भएका एक जना व्यक्ति फेला परेका छन् । भारतको बिहारस्थित सुल्तानगंजका निशान्त पाँच महिनापछि नोयडामा भेटिएका हुन् । भारतीय सञ्चार माध्यमका अनुसार ससुरालीबाट हराएका उनलाई सालोले नै फेला पारेका हुन् । गत जनवरी ३१ मा ससुरालीबाट बेपत्ता भएका थिए । उनका आफन्तले भने अपहरण भएको भन्दै प्रहरीमा उजुरीसमेत दिएका थिए । तर, पाँच महिनापछि उनी एकाएक फेला परेका हुन् । निशान्तका सालो रविशंकर कामले नोयडा आएका बेला उनलाई फेला परेका हुन् । समाचारमा जनाइए अनुसार एक पसलमा सालो निशान्त मःम खान जाँदा एउटा भिखारीलाई पसलेले भगाइरहेका थिए । रविशंकले माया लागेर एक प्लेट मःम दिन…
धनगढीः सुदूरपश्चिम प्रदेश सभा सदस्य ओमविक्रम भाट सरलले कैलालीको गेटामा चिकित्सा विश्वविद्यालय बनाउने एजेण्डा नेकपा माओवादी केन्द्रको भएको बताएका छन्। उनले हिजो सुदूरपश्चिम प्रदेश सरकारले ल्याएको नीति तथा कार्यक्रमको छलफल भइरहेको प्रदेश सभा बैठकमा बोल्दै सो कुरा बताएका छन्। उनले मेडिकल कलेजको विषय माओवादीले उठाएको गेटामा विश्वविद्यालय नै बन्ने कुरा बताए। उनले भने, ‘वास्तवमा गेटामा विश्वविद्यालय बनाउने माओवादी केन्द्रको एजेण्डा हो। सुदूरपश्चिमको विकासका लागि हामी एकमत हुन जरुरी छ। गेटामा विश्वविद्यालय नै बन्छ।’ यस्तै, उनले अर्को सन्दर्भमा बोल्दै प्रदेश सरकारको नीति तथा कार्यक्रममा आरक्ष पीडितको कुरा नसमेटिएको गुनासो गरे। उनले भने, ‘आफ्नो जमिन छोडेर आफ्नो जमिनको बदला सट्टा भर्ना पाउनुपर्नेमा…
बैतडी: बैतडीको सिगास गाउँपालिका-५ मा रहेको शारदा मावि ढुङ्गाडका विद्यार्थीहरु बेहोस हुन थालेका छन् । विद्यालयका प्रधानाध्यापक मीनबहादुर चन्दका अनुसार छात्राहरु रुने, कराउने र बेहोस हुन थालेपछि दुई हप्तादेखि पठनपाठन पनि प्रभावित भएको छ । उनका अनुसार ४/५ वर्ष पहिले पनि विद्यार्थीहरुमा यस्तो समस्या देखिएको थियो । त्यो बेला केही दिनमै ठिक भएको थियो । तर अहिले दुई हप्तादेखि विद्यार्थी रुने, कराउने र बेहोस हुने क्रम रोकिएको छैन । छात्राहरुमा रुने, कराउने, बेहोस हुने समस्या देखिनुकोे कारण पत्ता लागेको छैन । उनीहरुमा यस्तो समस्या देखिएपछि पालिकालाई खबर गरिएको प्रधानाध्यापक चन्दले बताए ।
काठमाडौँ: नेपाल विद्यार्थी संघ मोरङका अध्यक्ष सरोज पोखरेल पक्राउ परेका छन् । पूर्वाञ्चल विश्वविद्यालय सेवा आयोगका अध्यक्ष प्रा.डा. महेश दाहालमाथि कालोमोसो दलेको आरोपमा उनी पक्राउ परेका हुन् । जिल्ला प्रहरी कार्यालय सुनसरीका प्रहरी प्रमुख प्रभु ढकालका अनुसार उनलाई आज बिहान मोरङको बुढीगंगाबाट नियन्त्रणमा लिइएको हो । विश्वविद्यालयले कालोमोसो दलेको घटनामा संलग्न अध्यक्ष पोखरेलसहित ३ जनाविरुद्ध इलाका प्रहरी कार्यालय इटहरीमा किटानी जाहेरी दिएको छ ।
कञ्चनपुर: कञ्चनपुरको वेदकोट नगरपालिका–४ बगुनका देवराज भट्टको गोठमा आगलागी भएको छ । प्रहरीका अनुसार भान्सा घरको चुलोबाट दुईतले काठ र खरले छाएको कच्ची गोठमा आगलागी भएको हो । आगलागीबाट गोठ पूर्ण रुपमा जलेर नष्ट भएको र एक लाख ५० हजारको क्षति भएको प्रहरीले जनाएको छ । आगो स्थानीय र प्रहरीको सहयोगमा नियन्त्रणमा लिएको छ ।