धनगढीः कञ्चनपुरका ९ पालिकाले खाना र खाजाको नाममा एक वर्षमा दुई करोड ५४ लाखभन्दा बढी खर्च गरेको पाइएको छ । महालेखाको वार्षिक प्रतिवेदनअनुसार आर्थिक वर्ष २०७८/७९ मा पालिकाहरुले खाना र विविध शीर्षक गरी दुई करोड ५४ लाख ६३६ रुपैयाँ खर्च गरेका हुन् । जसमा सबैभन्दा बढी बेलौरी नगरपालिकाले ४७ लाख ७६ हजार ८१० रुपैयाँ खर्च गरेको पाइएको छ । त्यसपछि कृष्णपुर नगरपालिकाले ४७ लाख ५६ हजार ३२४, शुक्लाफाँटा नगरपालिकाले ३२ लाख ३० हजार ९६४, वेदकोट नगरपालिकाले ३१ लाख ४६ हजार २८५, भीमदत्त नगरपालिकाले २६ लाख २१ हजार ३५, पुनर्वास नगरपालिकाले १७ लाख ८४ हजार, दोधारा चाँदनी नगरपालिकाले १६ लाख ७६…
Author: महेन्द्रनगर पोष्ट
काठमाडौँ: यसपटकको मनसुनको समयमा पनि तातो हावाको लहर फैलिन सक्नेतर्फ सचेत हुन राष्ट्रिय विपद् जोखिम न्युनीकरण तथा व्यवस्थापन प्राधिकरणले अनुरोध गरेको छ । प्रि–मनसुनका समयमा फैलिएको तातो हावाको लहरका कारण मानिसको जनजीवन प्रभावित भएको र खेतीबालीमा नराम्ररी असर परेका अवस्थामा मनसुनका समयमा समेत छोटो समयमा देखिन सक्ने भन्दै त्यसतर्फ प्राधिकरणले ध्यानाकर्षण गराएको छ । यस वर्ष मनसुन प्रक्षेपणमा पानी सरदरभन्दा कम पर्ने तथा न्युनतम तापक्रम औषतभन्दा बढी हुने अनुमान गरिएको छ । यसले गर्दा मनसुनको अवधिभित्र पनि छोटो समयमा खडेरी पर्ने तथा तराई, भित्री मधेस, उपत्यका एवं खोचमा तातो हावाको लहरको जोखिम बढ्नसक्ने प्राधिकरणका प्रमुख कार्यकारी अधिकृत अनिल पोखरेलले बताए…
धनगढी: कञ्चनपुरको भीमदत्त नगरपालिकाका पूर्वनगरप्रमुख सुरेन्द्रबहादुर विष्ट, तत्कालीन प्रमुख प्रशासकीय अधिकृत पुष्करप्रसाद भट्ट र तत्कालीन निमित्ति प्रमुख प्रशासकीय अधिकृत हरिदत्त जोशीसमेत १२ जना तथा भवानी कन्स्ट्रक्सन प्रालिविरुद्ध भ्रष्टाचार मुद्दा दर्ता भएको छ। अख्तियार दुरुपयोग अनुसन्धान आयोगले राजस्व चुहावट गरी भ्रष्टाचार गरेको दाबी गर्दै उनीहरूविरुद्ध आइतबार विशेष अदालत काठमाडौंमा मुद्दा दर्ता गरेको हो। विष्ट एमालेका जिल्ला अध्यक्षसमेत हुन्। महाकाली नदीबाट आर्थिक वर्ष २०७७–०७८ मा नदीजन्य वस्तुको राजस्व उठाउने ठेक्कामा मिलेमतो गरी राजस्व चुहावट गरेको भन्दै अख्तियारले उनीहरूविरुद्ध ३ करोड ३३ लाख २२ हजार ५८३ रुपैयाँ बराबरको बिगो दाबी गरी मुद्दा दायर गरिएको छ। नगरपालिकाले तत्कालीन समयमा गठन गरेको राजश्व छुटका लागि…
धनगढी: निरन्तरको वर्षाका कारण सडकमाथिबाट खसेको पहिरोले गएरातिदेखि अवरुद्ध जयपृथ्वी राजमार्ग सुचारु भएको छ । उक्त राजमार्गअन्तर्गत बैतडीको श्रीभावरमा पहिरो खस्दा पूर्ण रूपमा बन्द भएको यातायात सेवा सुचारु भएको हो । सडकमा खसेको पहिरो पन्छ्याएपछि राजमार्ग सुचारु भएको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए । सडक सुचारु भएसँगै बैतडी हुँदै बझाङ जाने र बझाङबाट बाहिरिने यात्रु र सवारी साधन गन्तव्यतर्फ लागेका छन् ।
काठमाडौं: उपप्रधानन्त्री तथा गृहमन्त्री नारायणकाजी श्रेष्ठ प्रकाशले प्रहरी जवान र हवल्दारलाई १६ वर्षमा नै अवकाश दिने प्रस्ताव तयार भइसकेको बताएका छन् । गृह मन्त्रालयको बजेटमाथि संसदमा भएको छलफलमा उठेका प्रश्नहरुको आइतबार जवाफ दिने क्रममा श्रेष्ठले प्रहरीमा ३० वर्षे सेवा अवधि हटाउने गरी कानुनको मस्यौदा तयार भइसकेको बताए । ‘३० वर्षको सेवा अवधि हटाउने सन्दर्भमा सर्वोच्च अदालतको आदेशअनुसार कानुनमा नै व्यवस्था गर्नुपर्ने भएकाले नयाँ कानुनको मस्यौदामा त्यसलाई प्रस्ताव गरिएको छ’ उनले अघि भने, ‘त्यो कानुन यही सदनमा आउनेछ ।’ प्रहरी संगठनभित्र सई/असईको प्रोत्साहन व्यवस्था राम्रो नभएको भन्दै गृहमन्त्री श्रेष्ठले जवान, हवल्दार र सहायक हवल्दारलाई १६ वर्ष तथा असई र सईलाई १८…
काठमाडौँ: नेपाल प्रहरीले बिदा स्वीकृत नलिई लामो समयदेखि काममा नगएका डेढ दर्जन अधिकृतहरुको खोजी थालेको छ । प्रहरी प्रधान कार्यालयले आज सार्वजनिक सूचना निकालेर आफूखुसी गैरहाजिर रहेका १९ जना प्रहरी कर्मचारीको खोजविन सुरु गरेको हो । उनीहरुलाई बाटोको म्यादबाहेक आगामी सात दिनभित्र स्पष्टीकरणसहित उपस्थित हुन निर्देशन दिइएको छ । ‘आफू गैरहाजिर रहनुको कारण खोली सन्तोषजनक स्पष्टीकरण जवाफसहित यस कार्यालय वा सूचना जारी गर्ने कार्यालयमा हाजिर हुन आउनुहोला, अन्यथा तपाईंहरु उपर प्रहरी नियमावली, २०७१ को नियम ११३ को उपनियम (१) को खण्ड (च) को कसूरमा ऐ नियमावलीको नियम १०९ को देहाय (ख)(१) बमोजिम सेवाबाट हटाउने कारबाही भइजाने’, सूचनामा उल्लेख छ ।…
कञ्चनपुरः बझाङका दुई युवक कञ्चनपुरमा लागुऔषधसहित समातिएका छन् । तलकोट गाउँपालिका–१ का २६ वर्षीय झलकबहादुर द्वाल र बझाङ मष्टा गाउँपालिका–२ का राजकुमार रोकाया लागुऔषधसहित पक्राउ परेको प्रहरीले बताएको छ । उनीहरुलाई कञ्चनपुरको बेलौरी नगरपालिका–१० भुडाबाट १९ ग्राम ९ सय मिलिग्राम लागुऔषधसहित पक्राउ गरिएको प्रहरीले जनाएको छ । उनीहरु सवार सुदूरपश्चिम प्रदेश ०४००१ प ०१०६ नम्बरको मोटरसाइकल जाँच गर्ने क्रममा लागुऔषध पाइएको बताइएको छ ।
धनगढीः बेहोस हुने औषधी खुवाएर लुटपाट गरेका कैलालीका एक युवक पक्राउ परेका छन् । प्रहरीका अनुसार जिल्लाको लम्कीचुहा नगरपालिका–८ का ३९ वर्षीय बसन्त दमाई पक्राउ परेका हुन् । कालिकोट नरहरी गाउँपालिका–९ का एक पीडितको एक लाख ४७ हजार भारतीय रुपैयाँ र एक थान मोबाइल लुटपाट गरेको आरोपमा प्रहरीले उनलाई पक्राउ गरेको हो । असार २ गते भारतबाट नेपाल आउने क्रममा भारतको हल्द्वानीमा बेहोस हुने औषधी खुवाएर पीडितबाट दमाईले नगद र मोबाइल लुटपाट गरेका थिए । उनलाई कञ्चनपुरको भीमदत्त नगरपालिका–२ बसपार्कबाट पक्राउ गरिरएको बताइएको छ ।
काठमाडौँ: नागरिक उन्मुक्ति पार्टीका संरक्षक रेशम चौधरीलाई सरकारले निजी सुरक्षा गार्ड (पीएसओ)को सुविधा दिएको छ । उनको सुरक्षामा प्रहरी प्रधान कार्यालयले जिल्ला प्रहरी कार्यालय कञ्चनपुर कलवापुरमा कार्यरत प्रहरी सहायक निरीक्षक (असई) गौरीशंकर चौधरीलाई खटाएको हो । प्रदेश मन्त्रीहरूले समेत पीएसओको रूपमा हवल्दार मात्रै पाउने व्यवस्था छ । तर, चौधरीलाई भने संघीय मन्त्रीसरह पीएसओको सुविधा दिइएको छ । चौधरीले भने आफूले पीएसओ लिएको बारे कुनै प्रतिक्रिया दिएनन् । टीकापुर हत्याकाण्डमा दोषी ठहर भई आजीवन काराबासको सजाय सुनाइएका चौधरी १५ जेठमा गणतन्त्र दिवसको अवसरमा राष्ट्रपति रामचन्द्र पौडेलले कैद सजाय माफी दिएपछि जेलबाट मुक्त भएका थिए ।
काठमाडौँ: भारततर्फ जाँदै गरेको बा.१२ च ३८२० नम्बरको मारुती सुजुकी कारबाट प्रहरीले पौने २ करोडको सुन बरामद गरेको छ । प्रस्तावित सीमा सुरक्षा गुल्म, डण्डा,रुपन्देही मातहतको बीओपी बयरघाटले हिजो राति लुम्बिनी साँस्कृतिक नगरपालिका १३ को कालीदहमा उक्त सुन फेला पारेको हो । कारभित्र दुई वटा ईंट आकारको सुन लुकाएको अवस्थामा बरामद भएको सशस्त्र प्रहरीले जनाएको छ । कारमा चालक मात्र रहेको र सो सुनको अन्दाजी मूल्य एक करोड ८८ लाख २७ हजार हुन आउने बताइएको छ । राति नै उक्त सुन र १५ लाख मूल्य बराबरको कार भन्सार कार्यालयलाई बुझाइएको छ ।