म्याग्दी: धौलागिरि गाउँपालिकाले गर्भवती, सुत्केरी र दुई वर्षसम्मका बच्चालाई पौष्टिक आहरा उपहार दिएको छ । सुनौला हजार दिनका आमासँग उपाध्यक्ष’ कार्यक्रममार्फत पालिकाभित्रका स्वास्थ्य संस्थामा तोकिएको समयमा गर्भ परीक्षण, बच्चाको तौल वृद्धि अनुगमन गर्ने र सुरक्षित प्रसूति हुनेलाई घ्यू, अण्डालगायतका पौष्टिक आहरा उपहार दिइएको हो । गाउँपालिकाका उपाध्यक्ष रेशम पुन मगरले मातृ शिशु स्वास्थ्यमा सुधार, सुरक्षित प्रसूति सेवामा पहुँच बढाउने र कुपोषण न्यूनीकरणका लागि पौष्टिक आहरा उपहार दिने कार्यक्रम सञ्चालन गरिएको जानकारी दिए । “स्वास्थ्य संस्थामा गई चार, छ, आठ र नौ महिनामा गर्भ जाँच गराउने आमा र १५ महिनाभित्र तोकिएका सबै मात्राको खोप लगाएका तथा १२ र २४ महिनामा तौलको…
Author: महेन्द्रनगर पोष्ट
बागलुङ: आठ वर्षीय एक बालकलाई अप्राकृतिक मैथुन गरेको अभियोगमा बागलुङको बडिगाड गाउँपालिका–७ का १९ वर्षीय इमानसिंह रानालाई १२ वर्ष छ महिना कैद भुक्तान गर्न जिल्ला अदालतले आदेश दिएको छ । अप्राकृतिक मैथुन गरेको पुष्टि गर्दै जिल्ला न्यायाधीश दिवाकर भट्टको इजलासले सो कैदसँगै ४० हजार जरिवानासमेत भराउन आदेश दिएको अदालत इजालाश अधिकृत गङ्गाधर सापकोटाले जानकारी दिए । रानाले २०७९ साउन २० गते अप्राकृतिक मैथुन गरेको अभियोगमा पीडित बालकका अभिभावकले साउन २२ गते जिल्ला प्रहरी कार्यालय बागलुङमा उजुरी दिएका थिए । प्रहरीले सोही दिन उनलाई आफ्नै घरबाट गिरफ्तार गरेर भदौ १३ गते अदालतमा मुद्दा दर्ता गरेको थियो । रासस
नवलपरासी: लामो समयदेखि पानी नपरेपछि नवलपरासी (बर्दघाट–सुस्तापूर्को) दुम्कौलीमा ‘इन्द्र पूजा’ गरिएको छ । देवचुली नगरपालिका–१ स्थित दुम्कौलीको नारायणी नदी किनारस्थित दिव्यधाम मन्दिरमा स्थानीयले सामूहिक रुपमा इन्द्रको पूजा गरेका हुन् । जेठको अन्तिम हुँदा पनि पानी नपर्दा खडेरीका कारण खेतबारीमा लगाइएको तरकारी तथा अन्नबालीका साथै फलफूल सुक्न थालेपछि स्थानीयले पानी पारिदिन आग्रह गर्दै वैदिक मन्त्रसहित इन्द्रको पूजा गरेका हुन् । मन्दिर व्यवस्थापन समिति अध्यक्ष तिलप्रसाद पाठकले मन्दिरमा पूजाआजा गरी नजिकै रहेको नारायणी नदी किनारमा पुगेर पानी मागिएको बताए । इन्द्रको पूूजा गरेमा पानी पर्ने जनविश्वासका साथ गाउँका सबै जना भेला भएर इन्द्र पूूजा गरिएको उनले बताए । उनले भने ,“देशको अन्य…
काठमाडौँ: अर्थमन्त्री डा. प्रकाशशरण महतले मुलुकको अर्थतन्त्र चलायमान बनाउने ढङ्गले बजेट निर्माण भएको बताएका छन् । नेपाली कांग्रेस काठमाडौँ क्षेत्र नं ५ ले आज विहान यहाँ आयोजना गरेको क्षेत्रीय सम्मेलनमा उनले देश र जनतालाई केन्द्रविन्दूमा राखेर अर्थतन्त्रलाई चलायमान बनाउने ढङ्गले बजेट निर्माण भएको दाबी गरेका छन् । “केही समूहलाई बजेटबारे चित्त बुझेको छैन, दृढ अठोठका साथ कुनै स्वार्थ समूहको कुरा नसुनी बजेट निर्माण गरेका हौँ, बजेटले अर्थतन्त्रलाई चलायमान बनाउन मद्दत पुग्छ, बजेटले सबै क्षेत्रलाई समेटेको छ”, उनले भने । निरपेक्ष भावका साथ बजेट निर्माण गरिएको उनको भनाइ छ । अर्थमन्त्री डा महतले आफ्नो अठोट देश र जनताप्रति भएको स्पष्ट पारे…
धनगढी: नागरिक उन्मुक्ति पार्टीका संरक्षक रेशमलाल चौधरीले प्रधानमन्त्री पुष्पकमल दाहाल प्रचण्डसँग भेटवार्ता गरेका छन् । रेशम र उनकी पत्नी समेत रहेकी भूमि व्यवस्था, सहकारी तथा गरिबी निवारण मन्त्री रञ्जिता श्रेष्ठ चौधरीले सोमवार प्रधानमन्त्री प्रचण्डसँग भेटवार्ता गरेका हुन् । प्रधानमन्त्रीसँगको भेटवार्तामा उनीहरुले पूर्व सहमतिअनुसार सुदूरपश्चिम सरकारमा दुईमन्त्री र एक राज्यमन्त्री दिन माग गरेको बताइएको छ । प्रधानमन्त्री प्रचण्डले नाउपासँग भएको सहमति अनुसार नै मन्त्रालय उपलब्ध गराउने प्रतिबद्धता जनाएको चौधरीले बताए । सुदूरपश्चिमका मुख्यमन्त्री कमलबहादुर शाहले पछिल्लो पटक जेठ ६ मा नाउपालाई बाहिरै राखेर मन्त्री मण्डल विस्तार गरेका थिए । मुख्यमन्त्री शाहले नाउपालाई भूमि व्यवस्था कृषि तथा सहकारी मन्त्रालय मात्र दिएर मन्त्री…
काठमाडौँ: पत्रकार दिपकराज जोशी पक्राउ परेका छन् । फेसबुकमा जथाभावी स्टाटस लेखेको भन्दै प्रहरीले उनलाई कीर्तिपुरबाट पक्राउ गरेको हो । उनले हिजो राति बर्दीमा रहेका दुई जना प्रहरी मातेर हिँडेको स्टाटस लेखेका थिए । तर प्रहरीले उनको मापसे परीक्षणसमेत गराएको र मापसे परीक्षण पुष्टि भएको जनाएको छ । ड्युटीमा रहेका प्रहरीले मापसे नगरेको त्यहाँका डिएसपी राजु लामाले बताए । जोशीलाई सामाजिक सञ्जालमा जथाभावी लेखेको आरोपमा विद्युतीय ऐनबमोजिम कारवाहीको तयारी भएको बताइएको छ ।
काठमाडौं: विद्यालयको शौचालय बनाउँदा घुस खाएको खुलेपछि कास्कीका एक प्रधानाध्यापकविरुद्ध अदालतमा भ्रष्टाचार मुद्दा चलाइएको छ। माछापुच्छ्रे गाउँपालिका–६ स्थित कैलाश टेत्सुओ प्राथमिक विद्यालयका प्रधानाध्यापक नारायणप्रसाद पौडेलविरुध्द अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको हो । उनले विद्यालयको शौचालय निर्माण गर्नको लागि निकासा भएको रकम र विद्यालयको अक्षय कोषको रकम हिनामिना गरेको अख्तियारको निष्कर्ष छ । प्रधानाध्यापक पौडेलले शौचालय निर्माणका लागि आएको २ लाख र विद्यालयको नाममा रहेको अक्षय कोषको १ लाख १२ हजार गरी ३ लाख १२ हजार रुपैयाँ हिनामिना गरेको अख्तियारका प्रवक्ता भोला दाहालले बताए । त्यसैले, उनीमाथि भ्रष्टाचार निवारण ऐन,२०५९ को दफा १७ बमोजिमको कसुरमा कैद र…
धनगढीः धनगढीका एक फरार प्रतिवादी पक्राउ परेका छन् । धनगढी उपमहानगरपालिका-४ का ४३ वर्षीय मानबहादुर चौधरी पक्राउ परेका हुन् । उनलाई सोमवार कैलालीको कैलारी गाउँपालिका-३ बाट पक्राउ गरिएको प्रहरीले बताएको छ । सुदूपश्चिम प्रदेश प्रहरी कार्यालयका अनुसार २०७५ कात्तिक १४ गते जिल्ला अदालत कैलालीले उनलाई सवारी ज्यान मुद्दामा दुई हजार रुपैयाँ जरिबानाको सुनाएको थियो ।
धनगढीः कैलालीको गेटामा सहिद दशरथ चन्द राष्ट्रिय स्वास्थ्य विज्ञान विश्वविद्यालय सञ्चालनको माग गर्दै एक युवक मौन अनशन बसेका छन्। गोदावरी नगरपालिका वडा नम्बर १ का पवर्तराज जोशी सुदूरपश्चिम प्रदेश सभाको प्रवेशद्धवारमा अनशनमा बसेका हुन्। धनगढीको चर्को गर्मीमा उनी मौन अनशनमा पलेटी कसेर बसेको बताइएको छ। ६ सय श्ययाको अस्पताल सञ्चालनको माग गर्दै धनगढीको गर्मीमा पनि उनी प्रदेशसभाको प्रवेशद्धवारमा छन्। सोमवार बिहानदेखि उनी अनशनमा बसेका हुन्। गेटामा विश्व विद्यालय सञ्चालनको माग गर्दै सुदूरपश्चिममा आन्दोलन जारी छ। आइतवार प्रदेशमा आमहड्ताल गरिएकोमा आज २ बजेबाट प्रदेश सभा अगाडि प्रदशर्न गरिदैछ। प्रदेश सभाका सदस्यहरुलाई सभामा प्रवेश गर्न निषेध गरिने बताइएको छ।
धनगढीः कैलालीको गेटामा सहिद दशरथ चन्द राष्ट्रिय स्वास्थ्य विज्ञान विश्व विद्यालय सञ्चालनको ऐन तयारीको चरणमा रहेको प्रधानमन्त्री पुष्पकमल दाहल (प्रचण्ड)ले बताएका छन्। सुदूरपश्चिममा विश्वविद्यालय सञ्चालनको माग गर्दै आन्दोलन जारी रहेका बेला पूर्व मन्त्री प्रेमबहादुर आलेसहितको एकीकृत समाजवादीका सांसदहरुले प्रधानमन्त्री प्रचण्डलाई भेटेका हुन्। उनीहरुसँग प्रधानमन्त्री प्रचण्डले गेटामा स्वास्थ्य विश्वविद्यालय सञ्चालनमा ल्याउनको लागि ऐन निर्माणको चरणमा रहेको बताएका छन्। सोमवार बिहान प्रधानमन्त्री प्रचण्ड र अर्थमन्त्री प्रकाशशरण महतसँग भेटेका सांसदहरुले गेटामा विश्वविद्यालय सञ्चालनको माग गरेका थिए। अर्थ मन्त्री महतले संघीय संसदमा सोमवार गेटा स्वास्थ्य विज्ञान विश्वविद्यालय सञ्चालनको बारेमासमेत जबाफ दिने तयारी गरेका छन्। उनले शिक्षा विज्ञान तथा प्रविधि मन्त्रालय र स्वास्थ्य तथा जनसंख्या मन्त्रालयबाट गेटामा दोहोरो…