तनहुँ – तनहुँको व्यास नगरपालिकाको मेयरका उम्मेदवार दीपकराज जोशीमाथि कुटपिट भएको छ । व्यास नगरपालिका-८ मा मतदान केन्द्र निरीक्षण गर्न पुगेका उनीमाथि नेपाली काँग्रेसका कार्यकर्ताले कुटपिट गरेको जोशीले बताएका छन् । जोशीको टाउकोमा चोट लागेको छ । काँग्रेसका पूर्व नेता गोविन्दराज जोशीका छोरा दीपक नेकपा एमालेको समर्थनमा मेयरको उम्मेदवार बनेका छन् । जोशीले काँग्रेस वरिष्ठ नेता रामचन्द्र पौडेलको गाउँमा आफूमाथि आक्रमण भएको बताए । ‘२ मिनेट मात्र ढिला (कोठा) भित्र आएको भए म मर्न पनि सक्थेँ’ उनले भने, ‘अहिले पनि बाहिर गुन्डाहरू छन्, म भित्र छु ।’
Author: महेन्द्रनगर पोष्ट
सुर्खेत – भारी वर्षा भएपछि सुर्खेतका दुई पालिकामा मतदान प्रक्रिया प्रभावित भएको छ। सुर्खेतको पञ्चपुरी नगरपालिका र चौकुने गाउँपालिकामा पानी परेपछि निर्वाचन प्रक्रिया प्रभावित भएको हो। भारी वर्षा भएपछि दुई पालिकाका केही मतदान केन्द्रमा मतदान प्रक्रिया रोकिएको छ। पानी पर्न रोकिएपछि ती स्थानमा मतदान सुरू हुने बताइएको छ। सुर्खेतमा अहिले पनि हावा हुरीसँगै भारी वर्षा भइरहेको छ।
बैतडी – बैतडीमा भोट हाल्नका लागि स्टेचरमा राखेर मतदान केन्द्र लगिएका एक वृद्धको मृत्यु भएको छ । पाटन नगरपालिका-६, पाटनमा भोट हाल्न पुर्याइएका टुडेगैरका ७० वर्षीय कमल सिंह विष्टको मृत्यु भएको जनाइएको छ । जिल्ला प्रशासन कार्यालय बैतडीका प्रमुख जिल्ला अधिकारी राजेन्द्रदेव पाण्डेका अनुसार स्टेचरमा बोकेर विष्टलाई कृष्ण मध्यमिक विद्यालय मतदान केन्द्रमा पुर्याइएको थियो । मतदानस्थलमा पुर्याइएपछि उनी त्यहीँ बेहोस भएका थिए । उपचारका क्रममा मृत्यु भएको बताइएको छ ।
सप्तरी – सप्तरीको डाक्नेश्वरी नगरपालिकाको एक मतदान केन्द्रमा स्थानीयले मतपेटिका फुटाएका छन् । डाक्नेश्वरी नगरपालिका-२ स्थित हरिरबा जनता मावि मतदानस्थलमा मतदान अधिकृत विपिन यादवलाई कुटपिट गर्नुका साथै मतपेटिकासमेत फुटाइएको हो । सप्तरीका प्रमुख जिल्ला अधिकारी जनार्दन गौतमका अनुसार एक ज्येष्ठ नागरिक महिलाको मत खसाल्न गएका मतदान अधिकृत विपिन यादवलाई स्थानीयले लछारपछार गर्नुका साथै दुई वटा मतपेटिका फुटाएका हुन् । मतपेटिका फुटाए पनि मतपेटिकामा खसालिएको मतपत्र भने सुरक्षित नै रहेको उनले बताए । ती ज्येष्ठ नागरिक महिलाले आफूले भनेविपरीत छाप लगाइदिएको भनेपछि विवाद भएको थियो । अवरुद्ध भएको मतदान सुचारू गराउन सर्वपक्षीय बैठक बोलाइएको गौतमले बताए ।
धादिङ – धादिङको उत्तरी क्षेत्र रुविभ्याली गाउँपालिकामा शान्तिपूर्ण रुपमा मतदान भइरहेको छ। निर्वाचन अधिकृत भीमप्रसाद भण्डारीका अनुसार खादिङ भन्ने मतदान केन्द्रमा भने सम्पन्न भएको हो। उनका अनुसार उक्त मतदान केन्द्रमा ४ सय १८ जना मतदाता रहेकोमा लगभग सबैले भोट हालिसकेका छन्। ‘एकदुई जना छुट्नु भएको हुन सक्छ ता पनि हामी केही समय पर्खन्छौं,’ उनले भने। गाउँपालिकामा समग्र ४० प्रतिशत मतदान भइसकको उनले जनाकारी दिए। रुविभ्याली गाउँपालिकाको अध्यक्षमा यसभन्दा अघि राप्रपाले जित हासिल गरेको थियो।
पर्सा – वर्षाका कारण पर्साका तीन पालिकामा मतदान रोकिएको छ। जिल्लाको ठोरी, जिराभवानी र नगरनाथपुर गाउँपालिकामा वर्षाका कारण निर्वाचन झण्डै आधा घण्टादेखि रोकिएको निर्वाचन अधिकृत रञ्जिता झाले जानकारी दिइन्। उनका अनुसार भारी वर्षा भएपछि ५, ६ वटा मतदान केन्द्रमा मतदान स्थगित भएको छ। पानी पर्न रोकिए लगत्तै ती स्थानमा मतदान सुरू हुने उनले जानकारी दिइन्। निर्वाचन आयोगको रिपोर्टिङ अनुसार जिल्लामा ४७.५ प्रतिशत मतदान सम्पन्न भएको उनले बताइन्।
काभ्रे – काभ्रेपलाञ्चोकको पाँचखाल नगरपालिका-१३ मा मतदानस्थल तोडफोड भएको छ । मतदान अधिकृतले एकै जनालाई १० वटा मतपत्र दिन खोजेपछि विवाद हुँदा मतदानस्थल नै तोडफोड भएको हो । जिल्ला प्रहरी कार्यालय काभ्रेपलाञ्चोकका प्रमुख एसपी चक्रराज जोशीले मतपत्रको विषयमा विवाद हुँदा तोडफोड भएको बताए । जोशीका अनुसार मतदानस्थलका कुर्सी, बुथलगायत तोडफोड भएको तर ब्यालेट बक्स भने सुरक्षित छन् । अहिले सर्वदलीय बैठक बसिरहेको छ ।
काठमाडौं – काठमाडौं महानगरपालिकाको मेयरका उम्मेदवार र्यापर बालेन्द्र शाह (बालेन शाह) ले मतदान गरेका छन् । बिहान ठिक ११ बजे उनले सिनामंगलस्थित अन्नपूर्ण इंग्लिस स्कुलमा पुगेर उनले मतदान गरेका हुन् । अन्य उम्मेदवारहरू तथा नेताहरूले बिहानै मतदान गरेपनि शाहले ढिला गरी मतदान गरेका हुन् । काठमाडौं महानगरमा उनका अन्य प्रतिस्पर्धीले यसअघि नै मतदान गरिसकेका छन् । उनले भने बिहान ११ बजेको समयमा मतदान गरेका हुन् । मत हाल्नुअघि मतदान केन्द्रमा रहेका अन्य मतदाताहरूसँग उनले कुराकानीसमेत गरेका थिए । उनी बिहानैदेखि विभिन्न मतदान केन्द्रको अवलोकनका लागि निस्किएका थिए । उनले सुरूमा बिहानै बसन्तपुर मतदान केन्द्रको अवलोकन गरेका थिए । त्यसपछि उनी…
हुम्ला – झडपमा मतदान अधिकृत घाइते भएपछि नेपाली सेनाको हेलिकोप्टर हुम्लातर्फ प्रस्थान गरेको छ । सुर्खेतबाट सेनाको हेलिकोप्टर हुम्ला उडेको हो । ढुंगामुढाबाट मतदान अधिकृत कृष्ण प्रसाद आचार्य र कार्यालय सहयोगी काला रोकाया घाइते भएको कर्णाली प्रदेश कार्यालयका एसएसपी राजेश नाथ बास्तोलाले जानकारी दिए । उनले घाइतेहरुलाई सुर्खेत ल्याएर उपचार गरिने बताए । मतदानका क्रममा एक समूहले प्रहरीमाथि नै ढुंगामुढा गरेपछि प्रहरीले ७ राउण्ड गोली समेत चलाएको थियो । घटना माथिल्लो हुम्लाको चंखेली गाउँपालिका २ स्थित महादेव मावि मतदान केन्द्रमा भएको हो ।
काठमाडौं – नेकपा एमालेका अध्यक्ष केपी शर्मा ओलीले स्थानीय तह निर्वाचनमा ५ दलले भन्दा धेरै स्थान एमालेले जित्ने दाबी गरेका छन् । शुक्रबार भक्तपुरको बालकोटमा मतदानपछि सञ्चारकर्मीहरुसँग कुरा गर्दै एमाले अध्यक्ष ओलीले परीणाम एमालेको पक्षमा आउने दाबी गरे । नेपाली कांग्रेसले समेत एक्लै लड्न नसकेर गठबन्धन गरेको भन्दै उनले अघि भने, ‘५ दलभन्दा धेरै बढी एमाले एक्लैले ल्याउँछ ।’