कञ्चनपर- कञ्चनपुरको कृष्णपुर नगरपालिकामा मतगणना स्थगित भएको छ । कृष्णपुर नगरपालिकाको वडा नम्बर ९ को पञ्चाधिन माध्यामिक विद्यालयको बुथ केन्द्रको मतगणना गर्दा खसेको मत भन्दा बढी मतगणनासहित नतिजा सार्वजनिक भएपछि नेकपा एमाले र माओवादी केन्द्रले विरोध गरेका हुन् । पञ्चाधिन बुथ केन्द्रमा १ हजार ९ सय १४ मत खसेकोमा २ हजार ६४ मत गणना भएको भन्दै नतिजा प्रकाशित गरिएको थियो ।कृष्णपुर नगरपालिकाका प्रमुख निर्वाचन अधिकृत नरेन्द्रबहादुर बुढाले कम्पुटरमा डाटा इन्ट्री गर्दा गल्ती भएको जानकारी दिए ।विवादपछि पुनः मत गणना गर्दा मुचुल्कामा उल्लेख भए अनुसारको मतपत्र पाइएको र पछि कम्प्युटरमा तथ्यांक इन्ट्री गर्दा गल्ती भएको बताए । उनले विवाद समाधानका लागि…
Author: महेन्द्रनगर पोष्ट
काठमाडौं – गत वैशाख ३० गते सम्पन्न स्थानीय तह सदस्य निर्वाचनको मत परिणाम आउने क्रम जारी छ । आज अपराह्न १ः३० बजेसम्म सार्वजनिक ११८ स्थानीय तहको मत परिणामअनुसार नेपाली कांग्रेस पहिलो स्थानमा रहेको छ । नेकपा (एमाले) दोस्रो र नेकपा (माओवादी केन्द्र) तेस्रो स्थानमा छन् । कांग्रेसले हालसम्म सात प्रमुख र ४२ अध्यक्षसहित ४९ पालिकाको नेतृत्व आफ्नो हातमा पारेको छ । कांग्रेस चार उपप्रमुख र ५० उपाध्यक्षमा विजयी भएको छ । यस्तै तीन प्रमुख र ३८ अध्यक्षसहित ४१ पालिकामा एमाले र एक प्रमुख र २२ अध्यक्षसहित २३ पालिकामा माओवादी केन्द्र विजयी भएको निर्वाचन आयोगले जनाएको छ । एमाले पाँच उपप्रमुख…
काठमाडौं – प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच भेटवार्ता भएको छ । दुई देशका प्रधानमन्त्रीबीच लुम्बिनीमा भेटवार्ता भएको हो । भेटमा नेपाल–भारत द्विपक्षीय सम्बन्धका विषयमा छलफल भएको जनाइएको छ । भेटवार्तामा गत अप्रिल १ देखि ३ सम्म प्रधानमन्त्री देउवाले गरेको भारत भ्रमणका उपलब्धिको स्मरण गरिएको परराष्ट्र मन्त्रालयले जनाएको छ । आज नै परराष्ट्रमन्त्री डा. नारायण खड्काले भारतीय प्रधानमन्त्री मोदीसँग लुम्बिनीमा शिष्टाचार भेटवार्ता गरेका थिए । भारतीय वायु सेनाको हेलिकप्टरमा आज बिहान लुम्बिनी आएका मोदीलाई लुम्बिनीमा प्रधानमन्त्री देउवाले स्वागत गरेका थिए । उनी बेलुकी ५ बजे स्वदेश फर्कने कार्यक्रम रहेको छ ।
भक्तपुर – भक्तपुर नगरपालिकाको मेयरमा करिब नाै गुना मतान्तरमा नेपाल मजदुर किसान पार्टी (नेमकिपा) का सुनिल प्रजापति निर्वाचित भएका छन् । अन्तिम मतपरिणाम अनुसार प्रजापतिले २९ हजार दुई सय मत पाएका छन् । उनका निकतट प्रतिस्पर्धी नेपाली कांग्रेसका रामप्रसाद कासुलाले तीन हजार तीन सय ५२ मतमा सिमित भए । त्यस्तै, उपमेयरमा पनि नेमकिपाकी रजनी जोशीले २९ हजार ६ सय ९५ मत ल्याएर विजयी भएकी छिन् । उनकी निकट प्रतिस्पर्धी नेकपा एमालेकी रञ्जना खर्बुजाले २७ सय ८४ मत पाएकी छिन् । यो नगरपालिकामा नेमकिपाले क्लिन स्विप (मेयर, उपमेयर, वडा अध्यक्षहरु, सदस्यहरु सबै ) भएको हो । नगरपालिकामा विपक्षीहरूको भने जमानत जफत भएका…
दार्चुला- दार्चुलाको मालिकार्जुन गाउँपालिकाको अध्यक्षमा नेकपा (एमाले)का उम्मेदवार हिरासिंह धामी निर्वाचित भएका छन् । उनले चार हजार ३४ र उनका निकटतम प्रतिद्वन्दी नेपाली कांग्रेसका नरेन्द्रसिंह धामीले तीन हजार ३२२ मत ल्याएका छन् । उपाध्यक्षमा भने नेकपा माओवादी केन्द्रका कल्यानसिंह धामी तीन हजार ५६६ मत ल्याएर निर्वाचित भएका छन् । उनका निकटतम् प्रतिद्वन्दी नेकपा एमालेकी गौमती भट्टले तीन हजार ३२२ मत पाइन् । ९ पालिका रहेको दार्चुलामा यो सहित सात पालिकाको नतिजा आएको छ । अब दुहु र व्यास गाउँपालिकाको परिणाम आउन बाँकी छ । नतिजा आएका सात पालिकामध्ये महाकाली, शैल्यशिखर र मालिकार्जुनमा एमालेमा विजयी भएको छ । नौगाड, लेकम, मार्मा…
काठमाडौं – संसदमा बजेटमाथि छलफल सुरु हुने भएको छ । राष्ट्रपति विद्यादेवी भण्डारीले भोलि दिउँसो ४ बजे संसद अधिवेशन डाके लगत्तै भोलि (मंगलबार) देखि बजेटबारे छलफल हुने भएको छ । अर्थमन्त्रालय गत वैशाख २० गते विनियोजन विधेयकका सिद्दान्त र प्राथमिकताहरु संसदको दुवै सदनमा प्रस्तुत गर्ने योजना बनाएपनि संसद आह्वान नहुँदा बजेटमाथिको छलफल प्रभावित भएको थियो । स्थानीय तहको निर्वाचन कारण संसद आह्वानमा ढिलाई भएको थियो । चुनाव सकिएसँगै भोलीदेखि बजेटमाथि छलफल हुने भएको हो । सरकारले हरेक वर्षको जेठ १५ मा मुलुकको बजेट सार्वजनिक गर्नुपर्ने संवैधानिक व्यवस्था छ । अर्थमन्त्रीले बजेट प्रश्तुत गर्न अब १३ दिन मात्रै बाँकी छ । गत…
चितवन – भरतपुर महानगरपालिकाको मेयरमा नेकपा एमालेका उम्मेदवार विजय सुवेदीले ३७ मतको अग्रता बनाएका छन् । पछिल्लो मत परिणाम अनुसार सुवेदीले ४ हजार १८१ मत पाएका छन् भने ४ हजार १४४ मतका साथ उनलाई नेकपा माओवादी केन्द्रकी उम्मेदवार रेनु दाहालले पछ्याइरहेकी छन् । काँग्रेसका बागी उम्मेदवार जगन्नाथ पौडेलले १ हजार ७५३ मत ल्याएका छन् । उपमेयरमा काँग्रेसका उम्मेदवारको अग्रता छ ।
काठमाडौं – नेपाली कांग्रेसले सत्ता गठबन्धनमाथि नेकपा एमालेले लगाएको आरोपप्रति आपत्ति जनाएको छ । ‘यही बैशाख ३० गते सम्पन्न स्थानीय तह निर्वाचनका सम्बन्धमा प्रमुख प्रतिपक्षी दल नेकपा (एमाले) द्धारा नेपाल सरकार र सत्ता गठबन्धनप्रति लगाएको आरोपप्रति हाम्रो गम्भिर ध्यानाकृष्ट भएको छ,’ कांग्रेस प्रवक्ता प्रकाशशरण महतद्वारा आज जारी विज्ञप्तिमा भनिएको छ । निर्वाचनमा कांग्रेस र गठबन्धनमा सहभागी अन्य दलहरुको पक्षमा आएको परिणाम र देशभरका पालिकामा मत गणनाको प्रारम्भिक नतिजाको प्रवृत्तिले एमाले अत्तालिएको कांग्रेसले बताएको छ । प्रधानमन्त्री शेरबहादुर देउवाको परिपक्व, सुझबुझपूर्ण र दूरदर्शिताका कारण स्थानीय तह निर्वाचनमा तालमेल सम्भव भएको र अन्य ठाँउहरुमा मित्रवत प्रतिस्पर्धा भएको विज्ञप्तिमा उल्लेख छ । राष्ट्रहित…
अछाम – अछामको बान्नीगढी जयगढ गाउँपालिकाको अध्यक्षमा कांग्रेसका टेकबहादुर साउँद विजयी भएका छन्। एमालेका लोकबहादुर साउँदलाई ४ सय ९८ मतले पराजित गर्दै टेकबहादुर निर्वाचित भएका हुन्। टेकबहादुरले ३ हजार १ सय १२ मत पाएका छन्। एमालेका लोकबहादुरले २ हजार ६ सय १४ मत पाएर पराजित भए। यस्तै, गाउँपालिकाको उपाध्यक्षमा भने एमालेकी बिन्दु रावल निर्वाचित भएकी छिन्। उनले २ हजार ७ सय ३१ मत प्राप्त गरेकी छिन्। उनका निकटतम प्रतिस्पर्धी माओवादी केन्द्रकी उम्मेदवार निर्मला साउँदले २ हजार ७ सय १७ मत पाइन्।
रसुवा – रसुवामा गए राति भएको मोटरसाइकल दुर्घटनामा दुईको मृत्यु भएको छ । दुर्घटनामा उत्तरगया गाउँपालिका–१ का ४० वर्षीय राम तामाङ र नुवाकोट जिल्ला विदुर नगरपालिका–१० को ४३ वर्षीया पम्फा तामाङको निधन भएको जिल्ला प्रहरी कार्यालयका प्रवक्ता विष्णुप्रदीप बस्यालले बताए । उनका अनुसार बेत्रावतीबाट खाल्टेबगरतर्फ जाँदै गरेको बा ९६ ज २०९४ नम्बरको पल्सर मोटरसाइकल दुर्घटना हुँदा उनीहरूको मृत्यु भएको हो । उनीहरु स्थानीय निर्वाचनमा उत्तरगया गाउँपालिका–४ का विजयी वडाध्यक्षको आफन्त भएकाले बधाई दिन जाने क्रममा उक्त मोटरसाइकल उत्तरगया–५ स्थित खाल्टेबगरमा दुर्घटना भएको हो । घटनाको थप अनुसन्धान भइरहेको प्रहरीले जनाएको छ ।