धनगढी: नेकपा (एमाले) का केन्द्रीय सचिव तथा सुदूरपश्चिम इञ्चार्ज लेखराज भट्टले सुदूरपश्चिम प्रदेशलाई संमृद्ध र विकसित बनाउने अभियानमा सबैले संयुक्त रूपमा लाग्नुपर्ने बताएका छन्। एमाले सुदूरपश्चिम प्रदेश प्रचार तथा प्रकाशन विभागले प्रकाशित गरेको ‘सूर्य युग’ मुखपत्रको विमोचन कार्यक्रममा बोल्दै भट्टले प्रदेशको स्रोत साधनको पहिचानमार्फत सुदूरपश्चिमलाई समृद्ध बनाउने लक्ष्य रहेको बताए। ‘सुदूरपश्चिमलाई सबैभन्दा विकसित प्रदेश बनाउने हाम्रो लक्ष्य हो, सबै मिलेर यो लक्ष्य हासिल गर्नुपर्छ’, भट्टले भने। उनले पार्टीभित्र देखिएको देखावटी एकताको आलोचना गर्दै आन्तरिक गुटबन्दी अन्त्य गरी संगठनात्मक एकता र रुपान्तरणको बाटो अँगाल्नुपर्ने आवश्यकता औंल्याए। आगामी निर्वाचनमा पार्टीलाई बलियो बनाउन सबै कार्यकर्तालाई एकजुट भएर लाग्न पनि उनले आग्रह गरे। कार्यक्रममा…
Author: महेन्द्रनगर पोष्ट
धनगढी: सुदूरपश्चिम प्रदेश सभामा प्रमुुख प्रतिपक्षी दल नेकपा माओवादी केन्द्रका सांसद ओमबिक्रम भाट सरलले प्रदेशमा २ पक्षमात्र देखिएको जनाएका छन्। पूर्वमन्त्रीसमेत रहेका उनले सभामा प्रतिपक्षीको भूमिकामाथि पनि गम्भीर प्रश्न उठाएर प्रदेशमा बजेट र सत्ता पक्षमात्र देखा परेको जनाएका हुन्। प्रतिपक्षले आफ्नो भूमिका निर्वाह गर्न नसकेको भन्दै उनले सामाजिक सञ्जालमा आक्रोश पोखेका छन्। ‘सुदूरपश्चिम प्रदेशमा सत्ता पक्ष र बजेट पक्षमात्र देखियो। प्रतिपक्षी कोमामा रहेको अनुभुतभो’ उनले सामाजिक सञ्जाल फेसबुकमा लेखेका छन्, ‘तर यत्तिमात्र कामना छ, लोकतान्त्रिक गणतन्त्रात्मक व्यवस्थाको मलामी जान विवश हुने दिन नआओस्।’ बजेट निर्माणका सन्दर्भमा प्रतिपक्षको भूमिकामाथि उनले प्रश्न उठाएका हुन्। सदनमा आफ्नै पार्टीको भूमिकाप्रति उनको असन्तुष्टि छ। यसअघि…
धनगढी: कैलालीमा हिजो (बिहीबार) प्रहरीले गरेको इन्काउन्टर अपरेसन ‘फेक’ भएको बुझिएको छ। नेपाल तथा भारतस्तरीय उच्च प्रहरी स्रोतका अनुसार कैलालीमा गरिएको हाफ इन्काउन्टर ‘फेक’ भएको खुलेको हो। उसो त, कैलाली प्रहरीले ज्यान मार्ने उद्योग मुद्दा (युवकमाथि) धारिलो हतियार प्रहार गर्ने घटनामा संलग्न दुई अभियुक्तलाई पक्राउ गर्ने क्रममा गोली प्रहार गरेको जानकारी दिएको थियो। तर, प्रहरीले दिएको सो जानकारी पनि झुटो भएको खुलेको छ। १५ जेठमा टीकापुर नगरपालिका–१ का ३१ वर्षीय टेकेन्द्र सिंह विष्टमाथि क्याफेमा कफी पिइरहेको बेला खुकुरी र चक्कु प्रहार भएको थियो। घटनामा संलग्न रिदम ढुंगाना र मिलन चन्द त्यस दिनदेखि फरार थिए। स्रोतका अनुसार उनीहरू फरार भएर भारतको…
धनगढी: कैलालीमा सर्पले टोक्दा एक शिक्षिकाको मृत्यु भएको छ। गोदावरी नगरपालिकाको शारदा माध्यमिक विद्यालयमा कार्यरत शिक्षिका पार्वती अवस्थीको सर्पको टोकाइबाट मृत्यु भएको प्रहरीले जनाएको छ। गोदावरी नगरपालिका–८ को श्रीपुरमा प्रावि तहमा कार्यरत शिक्षिका अवस्थीलाई बिहिवार सर्पले टोकेको थियो। उनलाई उपचारका लागि सेती प्रादेशिक अस्पतालमा भर्ना गरिएको थियो। अवस्थीको उपचारका क्रममा मृत्यु भएको हो। अवस्थी धनगढी उपमहानगरपालिका–३ बोराडाँडीकी स्थायी बासिन्दा भएको प्रहरीले जनाएको छ।
काठमाडौं: नेकपा एमाले निकट विद्यार्थी संगठन अनेरास्ववियुको अध्यक्षमा डा. सुजन कडरिया निर्वाचित भएका छन्। प्रतिद्वन्द्वी प्रकाश पौडेललाई ७ मतले पछि पार्दै कडरिया निर्वाचित भएका हुन्। कडरियाले ७३२ मत ल्याएर अध्यक्ष जित्दा पौडेलले ७२५ मत ल्याए।
धनगढी: सुदूरपश्चिम प्रदेश खेलकुद परिषदको सदस्य सचिवमा लोकबहादुर खड्का (रवि) नियुक्त भएका छन्। सामाजिक विकास मन्त्रालयको सिफारिसमा प्रदेश मन्त्रिपरिषद्को बैठकले खड्कालाई सदस्य सचिवमा नियुक्त गरेको प्रदेशका आन्तरिक मामिला तथा कानुनमन्त्री हिरा सार्कीले बताए। आजै सपथ ग्रहण गर्ने कार्यक्रम रहेको बताइएको छ। नेपाली काँग्रेस निकट खड्का फुटबल र हक्कीका पूर्वखेलाडी हुन्। कैलाली जिल्ला कुस्ती संघका अध्यक्ष भइसकेका खड्का क्रिकेट विकास समिती क्षेत्र नम्वर ९ का कोषाध्यक्ष पनि थिए। तत्कालीन क्षेत्रीय खेलकुद विकास समितिको सदस्य भएर पनि खड्काले काम गरिसकेको अनुभव छ। झण्डै तीन महिनादेखि सुदूरपश्चिम प्रदेश खेलकुद परिषद्को सदस्य सचिव पद रिक्त थियो। ०७७ चैतमा चार वर्षका लागि खेलकुद परिषद्को सदस्य सचिवमा…
धनगढी: कैलाली प्रहरीले गोली हानेर दुई जनालाई नियन्त्रणमा लिएको छ। जिल्लाको भजनी नगरपालिका ७ मा प्रहरीले गोली चलाएको हो। गोली हानेर नियन्त्रणमा लिइएकामा रिदम ढुंगाना र मिलन चन्द रहेका छन्। दुवैलाई गोली लागेको छ। कैलालीका डीएसपी राजकुमार सिंहका अनुसार टीकापुरमा गत जेठ १५ गते स्थानीय टेकेन्द्र सिंह विष्टमाथि खुकुरी प्रहार भएको घटनामा कैलारी गाउँपालिका–२ को शिवरत्नपुरबाट दुई जनालाई पक्राउ गरिएको थियो। भजनी क्षेत्रमा पुग्दा उनीहरु भाग्न खोजेपछि प्रहरीले गोली चलाउनुपरेको डीएसपी सिंहले बताए। गोली प्रहार गरेर दुवै जनालाई नियन्त्रणमा लिइएको छ। ‘कैलारी गाउँपालिका–२ शिवरन्तपुरबाट पक्राउ परेका रिदम ढुंगाना र मिलन चन्दलाई प्रहरी टोलीले टीकापुर लगिरहेको थियो,’ डीएसपी सिंहले भने, ‘बाटोमा…
काठमाडौं: राष्ट्रिय स्वतन्त्र पार्टी (रास्वपा) ले सुदूरपश्चिम सभापति प्रकाश विष्टलाई स्पष्टीकरण सोधेको छ। केन्द्रीय समिति सदस्य समेत रहेका विष्टलाई अनुशासन आयोगले स्पष्टीकरण सोधेको हो। बिष्टले स्पष्टीकरण पनि पठाइसकेको बताइएको छ। विष्ट असार २ मा भारतको मुम्बईमा हुने रास्वपाको कार्यक्रममा उपसभापति डा. स्वर्णिम वाग्लेसँगै जाने तय भएको छ। रास्वपा निकट प्रवासी नेपाली सम्पर्क मञ्च भारतको महाराष्ट्र राज्य समितिका प्रथम राज्य भेला आह्वान गरिएको छ। भेलाको प्रमुख अतिथिमा उपसभापति डा. वाग्लेलाई निमन्त्रणा गरिएको छ। विष्ट मुम्बइ आउने गरी त्यहाँको समितिले प्रचार गरेपनि उनी त्यहाँको कार्यक्रममा सहभागी नहुने भएका छन्। स्पष्टीकरण सोधिएका प्रदेश सभापति विष्ट पेशाले इञ्जिनियर हुन्।
धनगढी: कैलालीमा एक जना मृत फेला परेका छन्। घोडाघोडी नगरपालिका–४ को श्रीराम सामुदायिक वनको ट्याङ्ना खोला किनारमा एक पुरुष मृत अवस्थामा फेला परेको प्रहरीले जनाएको छ। प्रहरीका अनुसार ऐलानी रामपुर निवासी ३२ वर्षीय नरेश रतोकी बुधबार दिउँसो ३ बजे शव अवस्थामा भेटिएका हुन्। घटनाबारे जानकारी पाउनेबित्तिकै सुरक्षाकर्मीहरू घटनास्थलमा पुगेका थिए। हाल आवश्यक कानुनी प्रक्रिया र पोस्टमार्टमको तयारी भइरहेको प्रहरीले जनाएको छ। घटनाको कारण हालसम्म स्पष्ट नभए पनि थप अनुसन्धान भइरहेको जिल्ला प्रहरी कार्यालयले जनाएको छ। प्रहरीले घटनास्थल वरपरका स्थानीयसँग सोधपुछसमेत गरिरहेको छ।
कञ्चनपुरः भारतबाट फर्कने व्यक्तिहरूमा कोरोनाको सङ्क्रमण देखापर्न थालेपछि सुदूरपश्चिमका सीमानाकामा रहेका ‘हेल्थ डेस्क’ मा स्वास्थ्य परीक्षणको व्यवस्था गरिएको छ। भारतसँग सीमा जोडिएका प्रदेशका चारवटा क्षेत्रमा हेल्थ डेस्कमार्फत शङ्कास्पद बिरामीको ‘एन्टिजेन’ परीक्षणको व्यवस्था गरिएको सुदूरपश्चिम प्रदेश प्रादेशिक आपत्कालीन कार्य सञ्चालन केन्द्रका सूचना अधिकारी हेमराज जोशीले जानकारी दिए। उनका अनुसार कञ्चनपुरको गड्डाचौकी, कैलालीको गौरीफण्टा, बैतडीको झुलाघाट र दार्चुलाको पुलघाट सीमानाकामा रहेका हेल्थ डेस्कमा कार्यरत स्वास्थ्यकर्मीहरूले कोरोनाका शङ्कास्पद बिरामीको पहिचान गरी एन्टिजेन परीक्षणको कार्य गरिरहेका छन्। ‘कोरोना परीक्षणका लागि प्रयोग हुने किट चारवटै हेल्थ डेस्कमा पु¥याई परीक्षण कार्य भइरहेको छ’, जोशीले भने, ‘किटको आपूर्ति थोरै मात्रामा भएकाले आवागमनलाई मध्यनजर गरी प्राथमिकताका आधारमा उपलब्ध गराएका…