धनगढी: नेपाल प्रहरीका नायब महानिरीक्षक (डीआईजी) को समय नपुग्दै सरुवा गर्ने तयारी गरिएको छ। प्रदेश प्रहरी कार्यालयका प्रमुख (हाकिम) सहितका डीआइजीहरुको सरुवा गर्ने तयारी थालिएको हो। गृहमन्त्रालय एवं प्रहरी हेडक्वार्टरस्थित उच्च स्रोतका अनुसार सबै प्रदेशसहितका डीआइजीको सरुवा गरिन लागिएको हो। उसो त, पाँच वटा प्रदेशमा कार्यरत डीआईजीको कार्यकालको अवधि ९ महिनामात्र पुगेको छ। गण्डकी र कर्णाली प्रदेशका डीआईजीबाहेक अन्यको कार्यावधि ९ महिना मात्रै भएको हो। तर, आइजीपी वसन्त कुँवरले समय पूरा नहुँदै प्रदेशका डीआईजीको सरुवा गर्न तयारी थालेका हुन्। प्रहरीको २०८० साउन १० मा कर्मचारी सरुवा सम्बन्धी नयाँ मापदण्ड लागु भएकोमा सो मापदण्ड अनुसार प्रहरी नायव महानिरीक्षकको सरुवा १ वर्षमा…
Author: महेन्द्रनगर पोष्ट
बझाङ : बझाङमा आइतबार बिहानै भूकम्प गएको छ। बिहान ६ बजेर ४५ मिनेट जाँदा भूकम्प गएको हो। राष्ट्रिय भूकम्प मापन तथा अनुसन्धान केन्द्रका अनुसार ३.४ म्याग्निच्युडको भूकम्प गएको हो। बझाङ लगायत पश्चिम नेपालका जिल्लाहरुमा गत असोज १६ गते गएको भुकम्पपछि निरन्तर पराकम्प गइरहेका छन्।
डोटी : डोटीमा जीपबाट खसेर नेपाल प्रहरीका एक जना सहायक हवल्दार घाइते भएका छन्। घाइते हुनेमा डडेल्धुराको अजयमेरु गाउँपालिका:२ रोल्लीका गम्भीर सिं साहु रहेको जिल्ला प्रहरी कार्यालय डोटीले जानकारी दिएको छ। उनको जिल्ला अस्पताल डोटीमा उपचार भइरहेको छ। शनिबार अपराह्न साहु जीपको पछाडिबाट सडकमा खसेका जानकारी बताइएको छ। जिल्ला सदरमुकाम सिलगढीबाट १५ जना बोकेर पूर्वीचौकी साझघाट जाँदै गरेको से १ ज ७७३ नम्बरको जीपबाट सहायक हवल्दार साहु पूर्वीचौकी गाउँपालिकाको वडा नम्बर १ बुढाबाँज भन्ने स्थानमा खसेका हुन्। जीपमा अन्य १४ जना सवार सकुशल रहेका छन्। जीप चालक पूर्वीचौकी गाउँपालिका-३ गैरागाउँका उदय सिं नेगीलाई पक्राउ गरिएको प्रहरी नायव उपरीक्षक श्रीवास्तवले जानकारी…
काठमाडौं : नक्कली कागजात बनाएर भिजिट भिसामा विदेश पठाउने गिरोहसँग साँठगाँठ देखिएका एक कर्मचारीलाई प्रहरी कार्यालय ल्याउँदाल्याउँदै बाटैबाट छाडिएको पाइएको छ । सुरुमा मंसिर २७ अघि नरवीर खड्कालाई पक्राउ गर्दा अध्यागमन कार्यालयमा कार्यरत उपसचिव राम थापालाई पनि प्रहरीले पक्राउ गरेको थियो । उनी खड़का हुन् कि थापा हुन् भन्ने चिन्न नसकेकै कारण छुटेको उच्च प्रहरी अधिकारीको दाबी छ। तर उपत्यका अपराध अनुसन्धान कार्यालयका प्रहरी कर्मचारी भने त्यसलाई स्विकार्दैनन् । समातेर ल्याउँदाल्याउँदै उपसचिव थापा बाटैबाट छुटेको हुन सक्ने भन्दै आन्तरिक रूपमा सूक्ष्म अनुसन्धान भइरहेको बताइएको छ । कि त हाम्रो प्रहरीले चिनेन कि त कसैको दबाब पयो, उनका बारेमा थप अनुसन्धान…
काठमाडौं : आज ‘तमु ल्होसार’ पर्व। गुरुङ समुदायले पुरानो वर्षलाई बिदाइ गरी नयाँ वर्षलाई स्वागत गरेर पुस १५ मा तमु ल्होसार मनाउछन्। ‘ल्हो’ को अर्थ वर्ष र ‘सार’ को अर्थ फेरिनुभएकाले वर्ष फेरिने दिनलाई ‘तमु ल्होसार’ भनिएको हो। तमु ल्होसारलाई गुरुङ समुदायले नयाँ वर्षका रुपमा भव्यरुपमा मनाउँछन्। पर्वका अवसरमा सरकारले आज देशभर सार्वजनिक बिदा दिएको छ। ‘तमु ल्होसार’ पर्व सूर्यको किरणसँग सम्बन्धित छ। पुस १५ गतेको रात सबैभन्दा लामो हुने र यसपछिका रात घट्दै जाने भएकाले पनि यस पर्वको महत्व रहेको बताइन्छ। तामाङ र शेर्पा जातिको बसोबास भएको क्षेत्रमा माघ र फागुनमा यो पर्व मनाइने विश्वास गरिन्छ।
रामेछापः संविधानसभा सदस्य एवम् रामेछापकी नेतृ दालकुमारी सुनुवारको निधन भएको छ। रामेछापको गुप्तेश्वर निवासी सुनुवारको ८१ वर्षको उमेरमा शनिवार उपचारका क्रममा हरिसिद्धि अस्पताल ललितपुरमा निधन भएको हो। सुनुवार पूर्वराजपरिषद् स्थायी समितिकी सदस्य तथा सुनुवार सेवा समाज सङ्घीय सल्लाहकार समितिकी सदस्य पनि थिईन्। लामो समयदेखि थाइराइड क्यान्सर रोगका कारण भारतमा उपचार गराइरहेकी सुनुवारलाई केही समयदेखि नेपाल क्यान्सर हस्पिटल हरिसिद्धि ललितपुरमा राखेर उपचार गराइँदै आएको थियो। सुनुवारको पार्थिव शरीर आज बिहान १० बजेदेखि श्रद्धान्जलिका लागि राप्रपाको केन्द्रीय कार्यालयमा राखिने र दिउँसो १२ बजे पशुपतिको आर्यघाटमा दाह संस्कार गर्ने कार्यक्रम तय भएको पारिवारिक स्रोतले जनाएको छ। राष्ट्रिय प्रजातन्त्र पार्टी जिल्ला समिति रामेछापले एक…
काठमाडौं : एक आपसमा कथा र दन्त्य कथा सुन्ने र सुनाउने पर्वको रुपमा लिइने ‘पुसे १५‘ पर्व आज सुदूरपश्चिमाञ्चलमा हर्षोल्लासपूर्वक मनाइँदै छ । पुस १५ गते मनाइने भएकोले यो पर्व डोटेली लोकसंस्कृतिमा ‘पुसे १५‘ को रुपमा चर्चित रहेको छ । डोटेली लोकसंस्कृतिको मौलिक पहिचान बोकेको यो पर्वलाई पुस १५ गतेको रात वर्षभरिकै सबैभन्दा लामो रात भएको विश्वासमा मनाउने गरिन्छ । यो पर्वमा दिनमा भन्दा रातिको समयमा एक ठाउँमा भेला भएर गरिने गतिविधिलाई विशेष महत्वका रुपमा हेर्ने गरिन्छ । यो पर्वमा टोल छिमेकको एक घरमा भेला भई आगो तापेर रातभर जाग्रम बस्ने, जाग्रम बसेका बेला तरुल, पिडालु, सखरखण्डलगायतका कन्दमूलका साथै पाकेको…
कञ्चनपुर: कञ्चनपुरको बेलौरीबाट काठमाडौँका लागि छुटेको पवनदुत यातायातको बस बाँके राष्ट्रिय निकुञ्जमा दुर्घटना भएको छ। हिजो(शनिबार) राति १० बजे बस आफै अनियन्त्रित भएर पल्टिएको ट्राफिक प्रहरीलाई उद्धृत गर्दै जिल्ला प्रहरी कार्यालय बाँकेले जनाएको छ। उक्त दुर्घटनामा आठ जना घाइते भएका छन्। उनीहरू सबैको अवस्था सामान्य रहेको बताइएको छ।
काठमाडौं : नेपालमा पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ । जसको प्रभावले हाल देशका सुदूरपश्चिम, कर्णाली र लुम्बिनी प्रदेशमा आंशिक बदली रही अन्यत्रको मौसम सामान्यतया सफा रहेको छ । साथै तराईका केही स्थानहरूमा हुस्सु र कुहिरो लागेको छ । आज दिउँसो देशका पहाडी भूभागमा आंशिकदेखि सामान्य बदली रहनेछ । देशको उच्च पहाडी तथा हिमाली भूभागको थोरै स्थानहरूमा हल्का हिमपातको सम्भावना रहेको छ । राति देशका पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा रहनेछ । गण्डकी र कोसी प्रदेशको उच्च पहाडी तथा हिमाली भूभागको एक–दुई स्थानमा हल्का हिमपातको सम्भावना रहेको महाशाखाले जनाएको छ…
महेन्द्रनगर : कञ्चनपुरको महेन्द्रनगरमा जारी आठौं जिल्ला स्तरीय ‘इन्टरनेशनल कप’ फुटबल प्रतियोगिताको उपाधी रौलेश्वर मावि बेल्डाँडीले जितेको छ । शनिबार महेन्द्रनगरस्थित खुलामञ्चमा भएको फाइनल खेलमा आयोजक इन्टरनेशनल पब्लिक स्कूललाई २–१ गोलले पछि पार्र्दै रौलेश्वरी माविले उपाधी जितेको हो । उपाधी जतेसंगै रौलेश्वरी मावि रु ५० हजार पुरस्कारसहित पुरस्कृत भएको छ । समापन समारोहमा कञ्चनपुर जिल्ला समन्वय समितिका प्रमुख दुर्गादत्त बोहराले उपाधी बिजेता टिमलाई नगद, ट्रफी, मेडल र प्रमाणपत्रबाट पुरस्कृत गरे । उनले खेलकुद स्वास्थ्यका लागि मात्रै नभई इज्जत र अवसर रहेकाले खेलाडीहरुले अनुशासनलाई समेत ख्याल गरेर खेल जीवनमा अग्रसर हुनुपर्नेमा जोड दिए । त्यसैगरी प्रतियोगितामा दोस्रो स्थान हात परेको इन्टरनेशनल…