काठमाडौं : थाइल्यान्ड भ्रमणमा रहेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेटवार्ता हुने भएको छ। भेट नेपाली समयअनुसार शुक्रबार मध्याह्न ४ बजे हुने परराष्ट्र मन्त्रालय स्रोतले जानकारी दिएको छ। बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास (बिमस्टेक) को छैटौं सम्मेलनका अवसरमा ओली र मोदीबीच ‘साइडलाइन वार्ता’ हुने निश्चित भएकोे हो। लामो समयदेखि परराष्ट्र मन्त्री डा. आरजु राणा देउवाले भारतीय समकक्षी एस जयशंकरसँग ओली र मोदीबीच भेटवार्ताका लागि विशेष पहल गरेकी थिइन्। भारतीय प्रधानमन्त्री थाइल्यान्डबाटै श्रीलंका भ्रमणमा जाँदै छन्। भारतीय समाचार संस्था एएनआईका अनुसार ‘बिमस्टेक’ मा सहभागी विभिन्न देशका नेताहरूसँग प्रधानमन्त्री मोदीको साइडलाइन भेटवार्ता हुने भनिएको छ।…
Author: महेन्द्रनगर पोष्ट
काठमाडौँ: दार्चुलाका प्रमुख जिल्ला अधिकारी (सीडीओ) यज्ञराज जोशीलाई मन्त्रालय तानिएको छ। गृहमन्त्रले जोशीलाई तानेको हो। गृहमन्त्री रमेश लेखकको निर्देशनमा गृहसचिव गोकर्णमणि दवाडीस्तरीय निर्देशनबाट जोशीलाई मन्त्रालय तानिएको जनाइएको छ। जोशीको स्थानमा काठमाडौँमा सहायक प्रमुख जिल्ला अधिकारी रहेका अनिल पौडेललाई पठाइएको मन्त्रालयको कर्मचारी प्रशासन महाशाखाले जनाएको छ।
धनगढी: सुदूरपश्चिम प्रदेश सरकारको उद्योग, पर्यटन, वन तथा वातावरण मन्त्रालयमा अख्तियार दुरुपयोग अनुसन्धान आयोगले छापा मारेको छ। अख्तियारको टोलीले बुधबार मन्त्रालयमा छापा हानेर महत्त्वपूर्ण कागजातहरू नियन्त्रणमा लिएको हो। अख्तियारको टोलीले बुधबार मन्त्रालयमा छापा हानेर कागजात संकलन गरेको मन्त्रालयका सूचना अधिकारी भोजराज पाठकले पुष्टि गरे। सुदूरपश्चिम प्रदेश सरकारको मन्त्रिपरिषद् बैठकबाट दिगो वन व्यवस्थापन कार्यविधि पास गर्ने तयारी भइरहेका बेला कार्यविधि निर्माण र पारित गराउने क्रममा ठूलो आर्थिक चलखेल भएको अडियो सार्वजनिक भएपछि अख्तियारले छापा मारेको हो। उक्त अडियोमा उद्योग, पर्यटन, वन तथा वातावरणमन्त्री लक्ष्मणकिशोर चौधरीको समेत संलग्नता देखिएपछि उनले पदबाट राजीनामा दिइसकेका छन्। सार्वजनिक भएको अडियोअनुसार मन्त्री चौधरीसहित सचिवालयका केही कर्मचारी…
धनगढी: सुदूरपश्चिममा नेकपा माओवादी केन्द्रबाट सभामुख बनेका भीमबहादुर भण्डारीलाई हटाउने चलखेल सुरु भएको छ। प्रदेश सभालाई प्रतिपक्षी दलहरुले निरन्तर अवरुद्ध गरेकै अवस्थामा बहुमतको सत्तारुढ दल तथा प्रदेश सरकारले भण्डारीलाई हटाउने कसरत थालेको हो। प्रदेश सभा बैठक सञ्चालनमा सभामुख भण्डारीको भूमिकालाई लिएर नेकपा एमाले, नेपाली काँग्रेस र नाउपा लगायतले हटाउने चलखेल गरेको बताइएको छ। प्रतिपक्षी दल नेकपा माओवादी केन्द्रका माननीय ओमविक्रम भाट सरलले भण्डारीलाई नियोजित तवरले सभामुखविरुद्ध सरकार र सत्ता साझेदार दलहरु लागेको बताए। यस अगाडिदेखि नै प्रतिपक्षी दल माओवादी केन्द्र लगायतले २७ फागुनदेखि प्रदेशसभा बैठक चल्न दिएका छैनन्। सरकारले जथाभावी राजनीतिक नियुक्ति गरेको, लथालिङ्ग तरिकाले बजेट बाँडेको, फजुल खर्च बढाएको र…
काठमाडौं: तीनकुने घटनामा पक्राउ परेका एक जना व्यक्ति रवि लामिछाने नेतृत्वको राष्ट्रिय स्वतन्त्र पार्टीका जिल्लास्तरीय नेता रहेको खुलेको छ। चैत १५ गते राजावादीले आयोजना गरेको सभा हिंसात्मक घटनामा परिणत हुँदा कोटेश्वरस्थित भाटभटेनी सुपरमार्केटमा लुटपाट मच्चाउने खोटाङका डा. राजकुमार राई रहेको खुलेको हो। उनी निर्वाचन क्षेत्र सभापति एवं जिल्ला कमिटीको पदाधिकारी रहेको बुझिएको छ। घटना भएको दिन प्रदर्शनकारीले भाटभटेनीको मूल गेट नै फोडेर लिपस्टिक,गाजल,कपडादेखि फ्रिज, टिभी र मोबाइलसम्म चोरेका थिए। पक्राउ परेका राईविरुद्ध भने विदेशी ब्राण्डको मदिरा चोरेको आरोप छ। लामो समयदेखि नेपाली कांग्रेसको राजनीतिमा सक्रिय रहेका उनी डेढ वर्षअघि रास्वपामा प्रवेश गरेका थिए। उनले अमेरिकाबाट पिएचडी गरेका छन्। सामाजिक सञ्चालमा…
धनगढी: कञ्चनपुरमा जंगली हात्ती मृत फेला परेको छ। बिहीबार बिहान जिल्लाको दोधारा चाँदनी नगरपालिका–३ बडुवाल टोलमा मरेको हात्ती फेला परेको हो। दोधारा चाँदनी नगरपालिका–३ का वडाध्यक्ष हरिसिंह धनाडीका अनुसार बिहान ६ बजे खेतमा गहुँ काट्न गएका स्थानीयले मरेको हात्ती देखेका हुन्। गहुँ खेतनजिकै हात्ती मृत अवस्थामा भेटिएपछि शुक्लाफाँटा राष्ट्रिय निकुञ्जकको टोली घटनास्थलतर्फ गएको छ। बर्सेनि बडुवाल टोलका स्थानीयको अन्नबालीमा जंगली हात्तीले क्षति गर्ने गरेका छन्। यस अगाडि कञ्चनपुरको लालझाडी गाउँपालिका-३ जाईँमा गत फागुनमा एउटा जंगली हात्ती मृत फेला परेको थियो।
धनगढी: कैलालीमा लागुऔषधसहित चारजना पक्राउ परेका छन्। वडा प्रहरी कार्यालय धनगढी र लागुऔषध नियन्त्रण ब्युरो शाखा कैलालीबाट खटिएको संयुक्त प्रहरी टोलीले उनीहरुलाई विभिन्न स्थानबाट पक्राउ गरेको हो। बुधबार अस्थायी प्रहरी पोष्ट बसपार्कबाट खटिएको टोलीले धनगढी उपमहानगरपालिका वडा नं. ४ स्थित करन सिंह कुमालले सञ्चालन गरेको ‘चन्द्र दीप बोग्टान होटल’ मा शंकास्पद रूपमा बसेका अछाम मंगलसेन नगरपालिका वडा नं. ०५ का १८ वर्षीय भुवन आउजी र वडा नं. ०१ का १८ वर्षीय डम्बर आउजीलाई जाँच गर्दा उनीहरूको साथबाट १ ग्राम २४० मिलिग्राम खैरो हेरोइन बरामद भएको थियो। यस्तै, धनगढी उपमहानगरपालिका वडा नं. ०६ स्थित जंगल रिसोर्ट नजिक आशाराम चौधरी र दिल…
धनगढी: सुदूरपश्चिम प्रदेशका मुख्यमन्त्री कमलबहादुर शाहले सर्वदलीय बैठक बाेलाएका छन्। प्रतिपक्षी दलहरूकाे अवराेधका कारण प्रदेश सभाकाे बैठक बस्न नसकिरहेका बेला मुख्यमन्त्री शाहले सर्वदलीय बैठक बाेलाएका हुन्। बैठक बिहान ११ बजे मुख्यमन्त्री तथा मन्त्रीपरिषद्काे कार्यालयमा बस्ने मुख्यमन्त्रीकाे सचिवालयले जनाएको छ। बैठकमा प्रदेश सभाकाे गतिरोध अन्त्य गर्ने र अन्य समसामयिक विषयमा छलफल हुने बताइएको छ। प्रतिपक्षी दलले सरकारले मनलाग्दाे ढंगले राजनीतिक नियुक्ति गरेकाे, जथाभावी बजेट बाडेकाे भन्दै प्रदेश सभामा विराेध गर्दै आएका छन्। निरन्तर प्रदेश सभा बैठक अवरुद्ध गरेको प्रतिपक्षी दलले तत्काल उच्चस्तरीय संसदीय छानबिन समिति गठन गरेर उक्त विषयमा छानबिनको माग गरिरहेका छ भने सत्ता पक्षले सार्वजनिक लेखा समितिबाटै उक्त विषयमा…
काठमाडौं: एक वरिष्ठ अधिवक्तामाथि ठगी र बैंकिङ कसूरमा मुद्दा दायर भएको छ। बैतडी घर भई काठमाडौं महानगरपालिका–३२, कोटेश्वर बस्दै आएका वरिष्ठ अधिवक्ता त्रिलोकबहादुर चन्दविरुद्ध पर्सा जिल्ला अदालतले पक्राउ पुर्जी जारी गरेको छ। जबरजस्ती करणीको मुद्दामा मिलापत्र गराइदिन्छु भन्दै चन्दले गिरी थरका व्यक्तिबाट १४ लाख रुपैयाँ लिएको आरोप छ। चन्दले विपक्षी वकिल र न्यायाधीशलाई पैसा खुवाउनुपर्छ भन्दै लाखौं रुपैयाँ लिएका थिए। तर, मुद्दा उल्टो बिगारेपछि पीडितले पैसा फिर्ताका लागि पटक–पटक दबाब दिएका थिए। यस क्रममा चन्दले गत असार २४ गते एनएमबी बैंक, पुतलीसडक शाखाको चेक दिए पनि सो चेक बाउन्स भएको थियो। चेक बाउन्स भएपछि पीडितले चन्दविरुद्ध बैंकिङ कसूरमा मुद्दा दायर…
काठमाडौँ: मित्रराष्ट्र म्यानमारमा हालै गएको विनाशकारी भूकम्पका कारण भएको व्यापक धनजनको क्षति पश्चात् नेपाल सरकारको निर्णयअनुसार मेडिकल राहत सहित नेपाली सेनाको टोली आज मिति २०८१ चैत्र २० गते त्यसतर्फ प्रस्थान गरेको छ। प्रमुख सेनानी रामचन्द्र श्रेष्ठको नेतृत्वमा १२ जना चिकित्सकीय टिम, ४ जना बन्दोबस्ती सहायता टिम र ६ जना क्रु मेम्बर सहित कुल २२ सदस्यीय टोली नेपाली सेनाको CN-235 CASA विमानद्वारा म्यानमारतर्फ प्रस्थान गरेको हो। विभिन्न प्रकारका आवश्यक औषधि तथा उपकरणसहित उक्त टोलीमा सर्जन, अर्थोपेडिक, मेडिसिन चिकित्सक, नर्स तथा प्यारामेडिकहरू संलग्न रहेका छन्। नेपाली सेनाको उक्त टोलीले करिब एक साता म्यानमारको भूकम्प प्रभावित क्षेत्रमा रही घाइतेहरूको स्वास्थ्य उपचारमा खटिनेछ। नेपाल…