काठमाडौं : नेपाली बजारमा सोमबार सुनको मूल्य स्थिर रहेको छ। नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख १८ हजार रुपैयाँ र तेजाबी सुन १ लाख १७ हजार ४५० रुपैयाँमा कारोबार भइरहेको छ। महासंघका अनुसार सुन आइतबार पनि सोही मूल्यमा कारोबार भएको थियो। त्यसै गरी, आज चाँदीको मूल्य भने तोलामा ५ रुपैयाँले बढेर १३९५ रुपैयाँमा कारोबार भइरहेको महासंघले जनाएको छ। आइतबार चाँदी तोलाको १३९० रुपैयाँमा कारोबार भएको थियो।
Author: महेन्द्रनगर पोष्ट
धनगढीः जिल्ला कारागार कैलालीमा बन्दी क्षमताभन्दा बढी कैदीबन्दी राखिएको छ। कैलाली कारागारको क्षमता एक सय ५० जनाको हो। तर, ७ सय २० जना कैदीबन्दीलाई कारागारमा राखिएको छ। कारागारमा अहिले विभिन्न अपराधमा सजाय पाएका ६ सय ६५ पुरुष, ५२ महिला र तीन बालबालिका गरेर ७२० कैदीबन्दी रहेको कारागार कार्यालय कैलालीका निमित्त प्रमुख शिखा जोशीले बताइन्। जोशीका अनुसार कैदीबन्दी थपिँदै गएपछि कारागार प्रशासनलाई व्यवस्थापन गर्न समेत हम्मेहम्मे परेको छ। खानपिन, सुत्न र शौचालयको निकै समस्या रहेको कैदीबन्दी बताउँछन्। कैदीबन्दी बढी भएपछि सुरक्षा व्यवस्थापनमा समेत समस्या भएको बताइएको छ।
काठमाडौँ : प्रहरीले सुनसरीबाट ठूलो परिमाणमा नक्कली नोट बरामद गरेको छ। भारतबाट नेपाल आएको स्कारपियोबाट प्रहरीले एक करोड ८२ लाख ५१ हजार रुपैयाँसहित एक भारतीय नागरिकलाई नियन्त्रणमा लिएको छ। इनरुवा नगरपालिका–४ सुनसरी खोलाको पुलनजिकबाट प्रहरीले नक्कली नोट बरामद गरेको सुनसरीका प्रहरी उपरीक्षक विपीन रेग्मीले बताए। बिआर ११ एक्स ३४२९ नम्बरको स्कोरपियो गाडी रोकेको चेकजाँच गर्दा स्कारपियोको पछाडिको भागमा लुकाएर ल्याइएको नक्कली नोट बरामद भएको उनले बताए। गाडी चालक भारत सुपौलका २२ वर्षीय मोहम्मद सैयदलाई पक्राउ गरिएको रेग्मीले बताए। उक्त स्कारपियो भारतको कुन ठाउँबाट आएको हो भन्नेबारे अनुसन्धान भइरहेको रेग्मीले बताए। चेकजाँचका क्रममा शंका लागेर हेर्दा नक्कली नोट भेटिएको हो। बोराभित्र…
धनगढी : नेपाल प्रहरीका एसपीहरुको सरुवा हुने बताइएपनी फेरि रोकिएको छ। अस्तितिर नै एसपीहरुको सरुवा निस्किने भनेकोमा आजसम्म पनि सरुवा हुन सकेको छैन। एसपीको सरुवामा गृहमन्त्री, प्रधानमन्त्री र केही व्यवसायीहरुको इन्ट्रेस्ट जोडिएपछि सरुवामा ढिलाई भैरहेको बताइएको छ। स्रोतका अनुसार अहिले केही जिल्लाको एसपी सरुवामा बिचौलियाको स्वार्थ बल्झिदा ढिलाई भएको हो। सुदूरपश्चिमको सवालमा कैलाली र कञ्चनपुरमा आफू निकटको एसपी ल्याउन बिचौलियाहरू सक्रिय भएका छन्। तराई र नाका भएका मालदार जिल्ला भएकाले यी जिल्लामा सरुवाका लागि एसपीबीच मारामार नै हुने गर्दछ। त्यसकारण अहिले पनि केही एसपीहरू बिचौलियामार्फत आर्थिक चलखेल गरी नाकावाला जिल्लामा आउने प्रयासमा छन्। गत शुक्रबार एसपी सरुवा गर्ने प्रहरी प्रधान…
काठमाडौं : केही समय अगाडि सरुवा भई आएका डीआइजीमध्ये नेपालका २ प्रदेशका प्रहरी प्रमुख भने साहित्यिक विधामा पोख्त मानिएका छन्। नेपाल प्रहरीको कमान्डिङसँगै साहित्य क्षेत्रमा पनि उनीहरूको कुशलताका चर्चा गर्नेहरु थुप्रै छन्। उनीहरू हुन्, सुदूरपश्चिम प्रदेश प्रहरी कार्यालय धनगढीका प्रमुख डीआइजी रविन्द्र केसी र कोशी प्रदेशका प्रहरी प्रमुख डीआइजी चन्द्रकुबेर खापुङ। केसी काभ्रेका हुन् भने खापुङ तेह्रथुमका हुन्। स्रोतका अनुसार डीआइजीद्वयको साहित्यिक कला र कौशलको प्रहरी संगठनभित्र पनि निकै चर्चा र प्रशंसा हुने गर्दछ। जसको कारण हो, डीआईजी केसीको पुस्तक सम्बन्धको दोबाटो र खापुङका विभिन्न कविता तथा गीत संग्रहहरु। डीआइजीद्वयको चर्चा प्रहरी प्रमुख भएर मात्र होइन कुशल साहित्यिक व्यक्तित्वका रुपमा…
काठमाडौं : तेस्रो एकदिवसीय खेलमा नेपालले टस जितेर बलिङ रोजेपछि क्यानडाले ब्याटिङ गरिरहेको छ। कीर्तिपुरस्थित त्रिवि मैदानमा नेपालले तेस्रो ओभरमै पहिलो विकेट लिएको छ। नेपालका लागि हेमन्त धामीले आरोन जोनसनलाई ४ रनमा देव खनालबाट क्याच गराएका छन्। खेलमार्फत् हेमन्तले एकदिवसीय खेलमा डेब्यू गरेका हुन्। उनी नेपाली टिमबाट एकदिवसीय खेल खेल्ने ४१औं खेलाडी बनेका छन्। क्यानडाले २.१ ओभरमा पहिलो विकेट गुमाउँदा ७ रन जोडेको थियो। यसअघि लगातार दुई खेल जित्दै नेपालले सिरिज जितिसकेको छ। फागुन पहिलो सातादेखि सुरु हुने आइसिसी विश्वकप लिग-२ को तयारीका लागि नेपालले क्यानडासँग सिरिज खेलेको हो। कीर्तिपुर मैदानमा हुने लिग-२ को सिरिजमा नेपालले नामिबिया र नेदरल्यान्ड्ससँग त्रिकोणात्मक…
काठमाडौं : क्यानडाविरूद्धको तेस्रो एकदिवसीय खेलमा नेपालले टस जितेर बलिङ रोजेको छ। कीर्तिपुरस्थित त्रिवि मैदानमा नेपाली टिमबाट तीव्र गतिका बलर हेमन्त धामीले डेब्यू गर्दैछन्। टिममा आसिफ शेख, सोमपाल कामी, सूर्य तामाङ र रिजन ढकाललाई बेन्चमा छन्। अनिल साहले आजको खेलमा विकेटकिपरको भूमीका निर्वाह गर्नेछन्। यसअघि लगातार दुई खेल जित्दै नेपालले सिरिज जितेको छ। फागुन पहिलो सातादेखि सुरु हुने आइसिसी विश्वकप लिग-२ को तयारीका लागि नेपालले क्यानडासँग सिरिज खेलेको हो। कीर्तिपुर मैदानमा हुने लिग-२ को सिरिजमा नेपालले नामिबिया र नेदरल्यान्ड्ससँग त्रिकोणात्मक एकदिवसीय सिरिज खेल्नेछ।
धनगढी : सर्वोच्च अदालतले ‘जनयुद्ध दिवस’मा बिदा दिने सरकारको निर्णय खारेज गर्दा पनि मोहन्याल गाउँपालिकाले भने दिवसको अवसरमा स्थानीय बिदा दिएको छ । गाउँपालिका अध्यक्ष देवीदत्त उपाध्यायले एक विज्ञप्ति जारी गर्दै गाउँपालिका भित्रका सम्पूर्ण कार्यालय तथा शैक्षिक संस्थामा स्थानीय बिदा दिएको जानकारी गराएका छन् । साथै उक्त दिन सहिद बेपत्ता र घाइते भएका व्यक्तिहरू तथा आफन्तलाई सम्मान गर्ने कार्यक्रम रहेको समेत जनाएका छन् । यस अघि सर्वोच्चले संक्रमणलीन न्याय प्रभावित हुनसक्ने तथा द्वन्द्वपीडितहरूको भावना चोट पर्न सक्ने भन्दै जनयुद्ध दिवसमा बिदा दिने निर्णय खारेज गरेको थियो । ‘शान्ति प्रक्रियाको सबै कार्यहरू सम्पन्न हुन बाँकी रहेको अवस्थामा सार्वभौम जनताको प्रतिनिधिमूलक संस्था…
धनगढी : सशस्त्र प्रहरीका महानिरीक्षक (आइजिपी)को पदावधि घटाउने प्रस्ताव गरिएको छ। गृह मन्त्रालयले सशस्त्र प्रहरी बलको ऐन संशोधन प्रक्रिया अगाडि बढाएसँगै आइजिपीको पदावधि बढाउने प्रस्ताव गरेको हो। माघ तेस्रो साता बसेको मन्त्रिपरिषद् बैठकले सैद्धान्तिक सहमति दिएसँगै सशस्त्र प्रहरीका ऐन संशोधन प्रकृया अगाडि बढेको गृह मन्त्रालयले जनाएको छ। सशस्त्र प्रहरी बलले संशोधन प्रक्रियामा मस्यौदाबारे छलफल भइरहेको र आइजिपी राजु अर्यालले आइजिपीको पदावधि तीन वर्ष राख्ने प्रस्ताव गरेको बताइएको छ। सशस्त्रका तल्लो तहका कर्मचारीको वृत्ति विकासलाई ध्यानमा राखेर सशस्त्र प्रहरीले यस्तो प्रस्ताव गरेको जनाइएको छ। खासगरी प्रहरी निरीक्षकमा भर्ना भएका अधिकृतहरू १८ वर्षसम्म एउटै पदमा रहनुपर्ने बाध्यता हटाउन उच्च पदको पदावधि घटाउने…
धनगढी : बाँसबारी छालाजुत्ता कारखानाको १० रोपनी जग्गा हडपेको आरोपमा पक्राउ परेका व्यवसायी अरुणकुमार चौधरीलाई रिहा गर्न आदेश दिने जिल्ला अदालत काठमाण्डौंका न्यायाधीश यज्ञप्रसाद आचार्यलाई सजायस्वरुप दुर्गम मुगुमा काज सरुवा गरेका छन् । प्रहरीले अनुसन्धान जारी राखेकै बेला जिल्ला अदालत, काठमाण्डौले दिएको आदेशउपर गम्भीर कैफियत जनाउँदै त्यसमा सँलग्न न्यायाधीशलाई सजायस्वरुप मुगुमा काज सरुवा गरिएको हो । गत सोमबार काठमाडौं जिल्ला अदालतका न्यायाधीशको इजलासले अनुसन्धानको कार्यमा सहयोग गर्नको लागि कागज गराई हाजिर जमानीमा छाडी बाँकी अनुसन्धानको कार्य पूरा गर्न सिआइबीलाई आदेश दिएको थियो । उक्त आदेशअनुसार पक्राउ परेका चौधरीसहित तीनै जना बुधवार रिहा भएका थिए । व्यवसायी चौधरीसहित छालाजुत्ता कारखानाका तत्कालीन…