धनगढी : धनगढीबाट लागुऔषध ब्राउनसुगरसहित ५ युवक पक्राउ परेका छन् ।
सुदूरपश्चिम प्रदेश प्रहरीको आरआइटीको टोलीले धनगढी उपमहानगरपालिका-७ बाट झण्डै ७ ग्राम ब्राउनसुगरसहित पाँच जनालाई पक्राउ गरेको हो ।
पक्राउ पर्नेमा बेलौरी नगरपालिका ६ का २४ बर्षीया राज चौधरी, पुर्नवास नगरपालिका १ बस्ने २१ बर्षीया हरिलाल राना, सोही ठाँउका ३१ बर्षीया कनैया राना, १८ बर्षीया अर्जुन राना र बेलौरी ७ का अविसेन राना रहेका छन् ।
उनिहरुलाई चेकजाँच गर्दा खल्तीबाट ६ ग्राम ८७ मिलिग्राम ब्राउन सुगर बरामद गरिएको जिल्ला प्रहरी कार्यालय कैलालीले जानकारी दिएको छ । उनीहरुलाई नियन्त्रणमा लिई थप अनुसन्धान भैरहेको प्रहरीले जनाएको छ ।
Facebook Comments Box