धनगढी : नेपालका तीव्र गतिका बलर आकाश चन्दले आईसीसी यू १९ विश्वकप २०२४ मा पाकिस्तानका दुबै ओपनरसहित तीन विकेट लिएका छन् ।
आकाश चन्दको २२ औं ओभरको दोस्रो बलमा ओपनर शम्याल हुसेन उत्तमथापा मगरबाट ३७ रनमा क्याच आउट भए । बाउन्सर बलमा उनी टप एज लागेर क्याच आउट भएका थिए । उनले ५९ बलमा ४ चौका र १ छक्का प्रहार गरे ।
चौथो बलमा शाहजैब खान ३७ रनमा आउट भए । सट बलमा आकाश त्रिपाठीबाट क्याच आउट भएका हुन् । उनले ७० बलमा ३ चौका र १ छक्का प्रहार गरे । यस्तै २६ औं ओभरको अन्तिम बलमा अर्को अराफ्न मनिसफको विकेट लिएका हुन ।
तीन विकेट लिएपछि नेपाल खेलमा फर्किन सक्ने संकेत देखाएको छ ।
त्यसअघि बफेलो पार्कमा टस जितेर पहिला ब्याटिङ रोजेको नेपालले निर्धारित ५० ओभरमा सबै विकेट गुमाएर १९७ रन बनाएको थियो ।
नेपालका लागि ओपनर विपिन रावलले ६८ बलमा ४ चौका र १ छक्कासहित सर्वाधिक ३९ रन बनाएका थिए ।