कञ्चनपुर : कञ्चनपुुरको बाणीबाट एकजना बालक बेपत्ता भएका छन्। धनगढीको त्रिनगर माविमा कक्षा ८ मा अध्ययनरत १४ वर्षका ओमप्रकाश जोशी एकैछिनमा आउँछु भनेर घरबाट निस्केका र बेलुकी घर नफर्केका आफन्तले बताएका छन्।
आइतबार दिउँसो खाना खाएर घरबाट निस्केका उनी बेपत्ता भएका हुन्। ओमप्रकाशकी आमा साबित्री जोशीले प्रहरी चौकी बाँणी र जिल्ला प्रहरी कार्यालय कञ्चनपुरमा निबेदन दिएको बताइन्।
बाँणी प्रहरीले, दिउँसोको समयमा ओमप्रकाश साईकल हाईसमा राखेर महेन्द्रनगरतिर गएको सीसी क्यामेरामा देखिएको बताएको छ। उनको मोबाइल ट्र्याक गर्दा उनी आइतबार बेलुुकी दोधाराचाँदनीमा देखिएको आफन्तले जनाएका छन्।
घरबाट महेन्द्रनगरसमेत नगएका ओमप्रकाश दोधाराचाँदनी पुुगेपछि आफन्तहरु चिन्तित बनेका छन् । ओमप्रकाश धनगढीको फाया नेपाल लाइनमा आफन्तसँग बस्ने र ३ दिनको स्कुल विदा भएकाले शुक्रबार बाँणीस्थित घर गएका थिए।