धनगढी : कैलालीमा बस र कार एकआपसमा ठोकिएका छन्।
जिल्लाको घोडाघोडी ताल क्षेत्रमा टीकापुरदेखि विद्यार्थी ल्याएको ना ६ ख १३३९ नम्बरको बस र बा १७ च ७२५७ नम्बरको कार ठोकिएका हुन्।
राष्ट्रिय स्वतन्त्र पार्टी (रास्वपा) सुदूरपश्चिम प्रदेशका सभापति प्रकाश विष्ट सवार कार र पार्किङमा राखिएको बस फर्काउदा दुर्घटना भएको कैलाली प्रहरीले जनाएको छ।
प्रहरीका अनुसार दुर्घटनामा मानवीय क्षति भएको छैन। कारको अगाडिको भागमा क्षति भएको छ।
बस बझाङको बुंगल नगरपालिका-११ का २८ वर्षीय मानबहादुर पातलीले चलाएका थिए। कार टीकापुर नगरपालिका- ४ का प्रताप चौधरीले चलाएका थिए।
Facebook Comments Box