धनगढी : कैलालीमा एक महिला पाँच दिनदेखि सम्पर्कविहीन भएकी छन्।
सम्पर्कविहीन हुनेमा जिल्लाकाे गोदावरी नगरपालिका–५ वरबट्टाकी सुनीता परियार रहेकी छन्।
उनी फागुन ९ गतेदेखि सम्पर्कविहिन भएकी बताइएको छ। उनको खोजीका लागि प्रहरीमा खवर गरे पनि फेला नपारेको उनका श्रीमान गणेश परियारले बताए।
सुनीताका ससुरा विनोद परियारका अनुसार, उनी राति ९ बजे शौचालय जान्छु भनेर बाहिर निस्केकी थिइन्। तर, अहिलेसम्म पनि घरमा आएकी छैनन्।
भारतमा रहेका उनका श्रीमान उनी हराएपछि घर फर्किएका छन्। सुनिताका ४ छोराछोरी छन्।
Facebook Comments Box