काठमाडौं : सहकारी ठगी प्रकरणमा फरार रहेका अभियुक्त गीतेन्द्र (जीबी) राई सिगांपुरमा पक्राउ परेको हल्ला फैलिएको छ। सोसल मिडिया र विभिन्न सञ्चार माध्यममा राई पक्राउ परेको हल्ला फैलिएको हो।
तर उनी हालसम्म पक्राउ नपरेको नेपाल प्रहरी प्रधान कार्यालयका प्रवक्ता डीआईजी भीम ढकालले महेन्द्रनगरपोष्टलाई जानकारी दिए। उनले पक्राउ परेकोबारे आफूलाई जानकारी नभएको जिकिर गरे।
पोखराको सूर्यदर्शन सहकारी लगायतका विभिन्न सहकारी ठगी प्रकरणमा उनी फरार छन् भने उनका तत्कालीन पार्टनर रबि लामिछाने भने हिजोमात्र गृहमन्त्री भएका छन्।
अहिले राईलाई पक्राउ गर्न इन्टरपोलबाट रेड कर्नर नोटिस जारी गरिएको छ।
सहकारीका बचतकर्ताले आफूहरुको करिब सवा अर्ब रकम हिनामिना गरेको भन्दै ठगीमा उजुरी दिएपछि उनी फरारभएका थिए।
Facebook Comments Box