धनगढी : इन्टरनेशनल क्यारियर काउन्सिलिङ सेन्टर (आईसीसीसी)ले धनगढीमा नयाँ शाखा सञ्चालनमा ल्याएको छ । काठमाडौंको कमलादीमा केन्द्रीय कार्यालय रहेको आईसीसीसीले ११औं शाखाको रुपमा धनगढीमा नयाँ शाखा खुलेको हो ।
क्यानडा अध्ययनको सबैभन्दा भरपर्दो शैक्षिक परामर्श केन्द्रको रुपमा स्थापित आईसीसीसीले दुरदराजका विद्यार्थीलाई मध्यनजर गरेर शाखा विस्तार गरिएको जनाएको छ ।
एसपीए रोड धनगढीमा चैत्र ३ गते नयाँ शाखा कार्यालयको उद्घाटन आईसीसीसीका प्रबन्धनिर्देशक तथा सिनियर काउन्सलर राम खड्काले गरेका हुन ।
विशेषगरी अध्ययनका लागि क्यानडा जान चाहने धनगढीका विद्यार्थीलाई सजिलो बनाउन शाखा विस्तार गरिएको खड्काको भनाई छ ।
आईसीसीसीले पुतलीसडकसहित काठमाडौंको कमलादी, काठमाडौंको चावहिल, पोखरा, बुटवल, चितवन, इटहरी, झापाबाट र क्यानडाबाट विद्यार्थीलाई सेवा दिइरहेको छ ।
धनगढीको कार्यालयमा ब्रान्च म्यानेजरको रुपमा सुनिल भण्डारीले नेतृत्व गर्ने बताइएको छ ।