कैलाली- दुई जना मृत फेला परेका छन् । जिल्लाको घोडाघोडी नगरपालिका वडा नम्बर १० पहलमानपुरस्थित तुल्सिपुर सामुदायिक वनमा विवाहित जोडी मृत अवस्थामा भेटिएका हुन् ।
बझाङको जयपृथ्वी घर भएका २८ वर्षीय अमर जोशी र २४ वर्षीया अस्मिता सिंह रुखमा झुण्डिएको अवस्थामा मृत फेला परेका जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले जानकारी दिए ।
उनका अनुसार अमरले अस्मितासंग दोस्रो विवाह गरेर गत चैतमै बझाङबाट कैलाली आएका थिए । केहीदिन आफन्तसंग बसेका उनीहरु चैत २६ गते घुम्न जानेर भनेर घरबाट निस्केका थिए ।
घरबाट निस्केपछि उनीहरु सम्पर्कविहीन भएका थिए । खोजीकै क्रममा आइतबार उनीहरु जंगलमा मृत फेला परेको डीएसपी जोशीले बताए । घटनाबारे थप अनुसन्धान भइरहेको प्रहरीले जनाएको छ ।
Facebook Comments Box