धनगढी: सशस्त्र प्रहरी बल नेपालका सुदूरपश्चिम प्रदेशका प्रमुख डीआइजी कुमार न्यौपाने र एसएसपी रमेश कुमार पाण्डेको सरुवा भएको छ। हिजो (मंगलबार) गृहमन्त्रालयले डीआइजी न्यौपाने र एसएसपी पाण्डेको सरुवा गरेको हो।
उनीहरू दुबै जनाको काठमाडौं सरुवा भएको हो।
सशस्त्रको प्रधान कार्यालयले सशस्त्र प्रहरी बल नेपाल नम्बर ७ वैद्यनाथ वाहिनी मुख्यालय कैलालीमा कार्यरत डीआइजी न्यौपानेको प्रधान कार्यालयस्थित आइजीपीको सचिवालय र एसएसपी पाण्डेको सशस्त्र प्रहरी बल नेपालको खेलकुद तथा शारीरिक सुगठन शिक्षालय काठमाडौं सरुवा भएको जनाएको छ।
यस्तै अब न्यौपानेको स्थानमा डीआइजी दिपक अधिकारी आउने भएका छन्। उनी सशस्त्र प्रहरी बल नेपालको नम्बर ५ विन्ध्यावासिनी वाहिनी मुख्यालय रुपन्देहीबाट सरुवा भएर आउन लागेका हुन्। यस्तै एसएसपी पाण्डेको स्थानमा भने उद्धव बहादुर न्यौपाने आउने भएका छन्। उनी सशस्त्रको पर्वतीय उद्धार तालिम शिक्षालय मनाङबाट आउन लागेका हुन्।
सशस्त्रका डीआइजीको अवधि पुगेर सरुवा गरिएको हो भने एसएसपीको अवधि नपुग्दै सरुवा भएको हो। एसएसपी पाण्डे ८ महिनामै सरुवामा परेको बताइएको छ।