धनगढी: सशस्त्र प्रहरी बल नेपालका १६ डीआइजी र १८ जना एसएसपीहरुको सरुवा गरिएको छ। गृहमन्त्रालयले हिजो (मंगलबार) डीआइजी र एसएसपीहरुको सरुवा गरेको हो।
जसमा केही एसएसपीहरु भने ८ महिनामै हेडक्वार्टर तानिएका छन् भने वाहिनी एवं प्रदेश मुख्यालयका डीआइजीहरु पनि फेरबदल भएका छन्।
सरुवामा बाहिनी पतिहरू परेका छन्। जसअनुसार नम्बर एक बराह बाहिनी सुनसरीमा शम्भु सुवेदी, नम्बर २ छिन्नमस्ता बाहिनी महोत्तरीमा कालीदास धौबजी, नेपाल नम्बर ३ गढीमाई बाहिनी, मकवानपुरमा गणेशबहादुर ठाडामगर पुगेका छन्।
यस्तै नम्बर ७ बैद्यनाथ बाहिनी कैलालीमा दीपक अधिकारीलाई पठाइएको छ। नम्बर ६ महेश्वरी बाहिनी सुर्खेतमा दुर्गाप्रसाद भट्टराई, नम्बर ४ मुक्तिनाथ बाहिनी कास्कीमा कुलबहादुर नेम्वाङ र नम्बर ५ विन्ध्यवासिनी बाहिनी रुपन्देहीमा अभिकुमार खत्रीले जिम्मेवारी पाएका छन्।
९ नम्बर पशुपतिनाथ बाहिनी काठमाडौंमा किशोर प्रधानलाई पठाइएको छ।
सरुवा भएका डीआइजी र एसएसपीको सूची
