धनगढी: कैलालीस्थित सशस्त्रको शिक्षालयको वार्षिकोत्सब मनाइएको छ। कैलालीको बनवेहडामा अवस्थित बडिमालिका जवान तालिम शिक्षालयको २३ औं वार्षिकोत्सब मनाइएको हो।
शिक्षालयका एसपी डम्बर बिष्टका अनुसार सशस्त्र प्रहरी बल नेपालका प्रमुख आइजीपी राजु अर्यालको प्रमुख आतिथ्यतामा विभिन्न कार्यक्रमहरु गरी वार्षिकोत्सब मनाइएको थियो। जसक्रममा अर्यालले मातहत कर्मचारीलाई सीमा सुरक्षा लगायतका विषयमा आवश्यक निर्देशनसमेत दिएका थिए। यस्तै उनले सुदूरपश्चिमका प्रहरी कर्मचारीलाई आफ्नो प्रदेशबाहिरको जानकारी पनि राख्ने हेतुले पठाइएको स्थानमा जान सुझाए।
यस्तै कार्यक्रममा उत्कृष्ट कार्य गर्नेहरुलाई पुरस्कृत पनि गरिएको थियो भने शिक्षालयलाई सहयोग गर्नेहरुलाई कदरपत्र प्रदान गरिएको थियो।
उक्त शिक्षालयले सशस्त्र प्रहरी जवान पदमा नव प्रवेशी जवानहरुलाई आधारभुत तालिम प्रदान गर्नुको साथै जुनियर अधिकृत तथा बिल्लादार/जवानहरुलाई समेत स्तरीय तवरले विभिन्न उन्नत तालिमहरु प्रदान गर्दै आएको छ।
