धनगढी : सुदूरपश्चिम प्रदेशको अस्थायी राजधानी धनगढीमा चोरीको मोटरसाइकलसहित दुई युवक पक्राउ परेका छन् ।
जिल्ला प्रहरी कार्यालयबाट खटिएको अपराध अनुसन्धान समूहको टोलीले धनगढी उपमहानगरपालिका–१४ को बी गाउँबाट सुपप्र०१००१०प१९३५ नम्बरको चोरीको मोटरसाइकलसहित दुई जनालाई पक्राउ गरेको हो ।
पक्राउ पर्नेमा भजनी नगरपालिका–२ बस्ने २२ वर्षीय रवि चौधरी र २० वर्षीय रोहित चौधरी रहेका छन् । उनीहरुले प्रयोग गर्दै आएको सुपप्र ०१००९ प ९९३३ नम्बरको मोटरसाइकल समेत प्रहरीले नियन्त्रणमा लिएको छ ।
दुवै जनालाई जिल्ला प्रहरी कार्यालयको हिरासतमा राखेर थप अनुसन्धान भइरहेको प्रहरीले जनाएको छ ।
Facebook Comments Box