धनगढी : बझाङमा जीप दुर्घटना हुँदा एक महिला घाइते भएकी छन् ।
जयपृथ्वी नगरपालिका-३ डुङग्रीबाट मष्टा तर्फ गइरहेको से १ ज ८९० नम्बरको बोलेरो जीप मष्टा- ४ खेती गाउँको मोड ब्याक गरि मोड्ने क्रममा दुर्घटनामा पर्दा एक महिला सामान्य घाइते भएकी हुन् ।
घाइते हुनेमा मष्टा ४ बस्ने ४५ वर्षीया जानुदेवी थापा रहेको जिल्ला प्रहरी कार्यालय बझाङले जनाएको छ ।
यस्तै डोटीमा पनि जिप दुर्घटना भएको छ। दुर्घटनामा परेर ६ जना घाइते भएका छन्।
शनिबार राती धनगढीबाट अछाम जाँदै गरेको से १ ज ४३२ नम्बरको जिप जिल्लाको दिपायल–सिलगढी नगरपालिका–६ कोलीनीमा दुर्घटना भएको हो।
दुर्घटनामा ६ जना सामान्य घाइते भएको प्रहरीले जनाएको छ। उपचारपछि सबै जना घर गइसकेको जिल्ला प्रहरी कार्यालय डोटीले जनाएको छ।
Facebook Comments Box