धनगढी: धनगढीका २ होटलमा प्रहरीले छापा हानेको छ। धनगढी उपमहानगरपालिका २ धनगढी गाउँ स्थित छाया होटल र चौराहस्थित बुढीनन्दा होटलमा छापा हानिएको हो।
हिजो (बुधबार) वडा प्रहरी कार्यालय धनगढीका प्रमुख प्रहरी निरीक्षक जनकराज ढुङ्गानाको कमाण्डमा खटिएको टोलीले छापा हान्दा ती होटलबाट अनैतिक क्रियाकलापमा संलग्न ४ जनालाई पक्राउ गरिएको छ।
पक्राउ पर्नेमा छाया होटल धनगढी गाउँकी
साहुनी ४० वर्षीया शुशीला चौधरी र उनको होटलमा यौनव्यापारमा संलग्न युवती ३२ वर्षीया निर्मला चौधरी रहेकी छन्। यस्तै बुढीनन्दा होटलकी साहुनी रिता जोशी र सो होटलमा कार्यरत २२ रिया मगरलाई प्रहरीले पक्राउ गरेको हो।
अहिले सो सम्बन्धि थप अनुसन्धान भैरहेको जिल्ला प्रहरी कार्यालय कैलालीले जनाएको छ।
Facebook Comments Box