धनगढी : कैलालीको अत्तरिया क्षेत्रका विभिन्न होटलहरूमा अनैतिक क्रियाकलाप भइरहेको भन्ने विशेष सूचनाको आधारमा प्रहरीले छापा मारी ५ जनालाई पक्राउ गरेको छ।
इलाका प्रहरी कार्यालय मालाखेतीको अपराध अनुसन्धान शाखाबाट खटिएको विशेष टोलीले २९ गते साँझ डोटी जोरायल थापा होटल र मष्टामण्डाली सुदूर पश्चिम होटलमा छापा मारेको थियो।
छापाको क्रममा डोटी जोरायल थापा होटलबाट एक जोडी पुरुष र महिला तथा मष्टामण्डाली सुदूर पश्चिम होटलबाट अर्को जोडी पुरुष र महिला पक्राउ परेका छन्। साथै, होटल संचालक समेत पक्राउ परेका छन्।
प्रहरीका अनुसार पक्राउ परेका ५ जनामध्ये दुई जोडी अनैतिक क्रियाकलापमा संलग्न रहेका थिए भने एक जना होटल संचालक हुन्।
पक्राउ परेकाहरूमाथि थप अनुसन्धान जारी रहेको प्रहरीले जनाएको छ।
Facebook Comments Box