धनगढी: कैलालीमा एक स्कुल बस दुर्घटना भएको छ। जिल्लाको गोदावरी नगरपालिका– ९ बल्मी नजिकै स्कुल बस दुर्घटना भएको हो।
पूर्वपश्चिम राजमार्ग अन्तरगत गोदावरी नगरपालिका-८ मा रहेको दुर्गाज्योती ईङ्लिस बोर्डिगं स्कुलको से ०१००१ ख २१८२ नम्बरको स्कुल बस दुर्घटनामा परेको प्रहरीले जनाएको छ।
प्रहरीका अनुसार बस दुर्घटनामा विद्यार्थीहरु घाइते भएका छन्। तर यसबारे विस्तृत विवरण आउन बाँकी रहेको इलाका प्रहरी कार्यालय मालाखेतीका डिएसपी गंगाबहादुर थापाले बताए।
तर प्रारम्भिक रिपोर्टअनुसार बसमा सवार विप्लब खड्का र प्रकाश रावत घाइते भएका छन्। उनीहरुलाई उपचारका लागि पदमा अस्पतालमा ल्याइएको छ। बसमा २७ विद्यार्थी सवार रहेका थिए ।
Facebook Comments Box