काठमाडाैं- पाेखरामा वडा प्रहरी कार्यालय बैदामको गाडीले चौतारीमा ठक्कर दिएकाे छ। गएराति पोखरा महानगरपालिका–६, लेकसाइडको शान्ति पाटन चोकस्थित चाैताराेमा ठोकिएको हाे। ठक्करपछि वडा कार्यालयले प्रयोग गर्दै आएको ग १ झ ५५१ नम्बरको गाडीमा क्षति भएकाे थियाे।
सिमेन्टेड डिभाइडरमा ठोक्किएपछि गाडीले डिभाइडरसमेत भत्काएकाे स्थानीयले बताएका छन्। गाडीका चालक र गाडीमा सवार प्रहरीले मद्यपान गरेको हुन सक्ने प्रत्यक्षदर्शीले अनुमान गरेका छन्। दुर्घटनापछि प्रहरीले रातारात क्रेन बोलाएर गाडी वडा प्रहरी कार्यालय बैदाम लगेको स्थानीयले बताएका छन्।
Facebook Comments Box