धनगढी: धनगढी विमानस्थल हुँदै अर्काकी पत्नीलाई भगाउन खोजेपछि एक युवक समातिएका छन्। विमानस्थल प्रहरीले युवकसहित महिलाई नियन्त्रणमा लिएको हो।
विमानस्थल प्रहरीले परपुरूषसँग भाग्दै गरेकाे अवस्थामा कैलालीको लम्कीचुहा नगरपालिका-८ बस्ने अन्दाजी ३५ वर्षीया महिला रन्जना चौधरी समातिएकी हुन्।
प्रहरीले वैदेशिक राेजगारीका लागि दुबईमा बस्दै आएका परपुरूषसँग काठमाडौं उड्ने क्रममा उनलाई नियन्त्रणमा लिएको जनाएको छ।
उनी श्रीएयरलाइन्सको दिउँसो १ बजेर ५ मिनेटकाे फ्लाइटमा उड्ने तयारीमा थिइन्। तर बाेडिङ पास बनाउने क्रममा शंकास्पद गतिविधि देखाएपछि साेधपुछ गर्दा महिला अर्कै पुरूषसँग काठमाडौं गइरहेको खुलेकाे थियो।
उनलाई काठमाडौं लगिरहेकाे अवस्थामा सुनसरी घर भएर हाल दुबईमा राेजगारी गर्दै आएका अन्दाजी ३५ वर्षकै सुलेमान मनसुरी पनि समातिएका हुन्। उनी महिलालाई लैजान दुबईबाट शुक्रबार नै आएका थिए।उनीसँग भाग्दै गरेका महिलाका ८ र ११ वर्षका दुई छाेरा रहेका छन्।
पक्राउ परेका दुवैलाई अहिले जिल्ला प्रहरी कार्यालयकाे महिला तथा बालबालिका सेलमा राखेर अनुसन्धान भइरहेको प्रहरीले जनाएको छ।