धनगढी : कैलालीको गोदावरी नगरपालिका २ स्थित तेघरीबाट २२ वर्षीय हरी महरा लागू औषधसहित पक्राउ परेका छन्।
आज बिहान जिल्ला प्रहरी कार्यालय कैलालीको अपराध अनुसन्धान टोलीले महरालाई सडकमा शंकास्पद रूपमा हिँडडुल गरिरहेको अवस्थामा नियन्त्रणमा लिएको हो।
प्रारम्भिक शंका लागेपछि प्रहरीले महराको खानतलासी गर्दा उनको साथमा १२० मिलिग्राम हेरोइन फेला परेको बताइएको छ।
पक्राउपछि महरालाई थप अनुसन्धानका लागि प्रहरी हिरासतमा राखिएको छ।
Facebook Comments Box