धनगढी । कैलालीमा मोटरसाइलक दुर्घटना हुँदा एक युवकको मृत्यु भएको छ । मंगलबार राति १० बजे मोटरसाइलक दुर्घटना हुँदा जिल्लाको कैलारी गाउँपालिका–५ मनिकापुरका १७ वर्षीय सागर विकको मृत्यु भएको हो ।
सोही ठाउँका जोनसोन चौधरीले चलाएको बा ८९ प ६१३९ नम्बरको मोटरसाइकल अनियन्त्रित भएर सडक छेउमा पल्टिएपछि पछाडि सवार बिक गम्भीर घाइते भएका थिए ।
बिकलाई उपचारको लागि माया मेट्रो अस्पताल धनगढी पुगाइएकोमा उपचारको क्रममा बुधवार बिहान मृत्यु भएको जिल्ला प्रहरी कार्यालयले जनाएको छ । मोटरसाइकल र मोटरसाइकल चालक चौधरीलाई प्रहरीले नियन्त्रणमा लिएको छ ।
Facebook Comments Box