धनगढीः सुदूरपश्चिममा एकैदिन लागूऔषधसहित चार जना पक्राउ परेका छन्। कैलालीबाट तीन र बाजुराबाट एक गरी चार जना पक्राउ परेका हुन्। धनगढी उपमहानगरपालिका–१७ पथरीयाबाट सोही ठाउँका २३ वर्षीय पप्पु रानालाई पक्राउ गरिएको छ । उनको साथबाट एक सय ३० मिलिग्राम लागूऔषध खैरो हेरोइन पनि बराम गरिएको छ। उनलाई जिल्ला प्रहरी कार्यालयबाट खटिएको टोलीले पक्राउ गरेको छ।
यस्तै कैलाली प्रहरीले नै धनगढी उपमहानगरपालिका–१५ कनरीबाट २४ वर्षीय नविन चौधरीलाई पनि पक्राउ गरेको छ। उनको साथबाट दुई सय ९० मिलिग्राम लागूऔषध खैरो हेरोइन बरामम गरिएको जिल्ला प्रहरीले कार्यालयले जनाएको छ। यस्तै इलाका प्रहरी कार्यालय चौमलाबाट खटिएको प्रहरीले टोलीले २९ वर्षीय हर्कबहादुर भाटलाई पक्राउ गरेको छ। गौरीगंगा नगरपालिका वडा नम्बर १ चौमला बजारबाट ६५० मिलिग्राम खैरो हेरोइनसहित पक्राउ गरिएको जिल्ला प्रहरी कार्यालय कैलालीले जनाएको छ।
उता बाजुरमा पनि चरेशसहित एक जनालाई पक्राउ गरिएको छ। जिल्ला प्रहरी कार्यालय बाजुराबाट खटिएको प्रहरी टोलीले बडिमालिका नगरपालिका वडा नम्बर ८ मार्तडी गौडबाट सोही ठाउँका ३७ वर्षीय मागी धामीलाई पक्राउ गरेको हो। उनको साथबाट ५८ ग्राम चरेश बरामद गरिएको छ।