काठमाडौं: नेपाल प्रहरीका इन्सपेक्टर गौरीप्रसाद जैसी सम्मानित भएका छन्। ६९औं प्रहरी दिवसको अवसरमा उनी सम्मानित भएका हुन्।
मंगलबार प्रहरी महानिरीक्षक बसन्तबहादुर कुँवरले उनलाई पुरस्कृत गरेका थिए।
नेपाल प्रहरी कार्यदक्षता मूल्याङ्कन (पुलिस व्याटन) २०८१ अन्तर्गत उत्कृष्ट कार्य गरेको भन्दै उनलाई सम्मानित गरिएको हो। उनी यस अगाडि ईलाका प्रहरी कार्यालय बेलौरी कञ्चनपुरको प्रमुख थिए। हालै सरुवा भएका उनले बेलौरीमा बस्दा उत्कृष्ट कार्य गरेको भन्दै सम्मान पाएका हुन्।
यस्तै कैलालीस्थित प्रहरी चौकी सत्तीका प्रहरी वरिष्ठ नायव निरीक्षक टेक बहादुर चन्द र नेपाल प्रहरी विशेष सुरक्षा गण कञ्चनपुरका प्रहरी नायब निरीक्षक जोख बहादुर विक पनि सम्मानित भएका छन्। उनीहरूलाई आज एक कार्यक्रमका बीच सम्मानित गरिएको हो।
कार्यक्रममा प्रहरी अतिरिक्त महानिरीक्षकहरू, प्रहरी नायब महानिरीक्षकहरू, वरिष्ठ प्रहरी अधिकृतहरू, आमन्त्रित महानुभावहरू लगायत प्रहरी अधिकृत तथा जवानहरूको उपस्थिति थियो।
र, यो पनि: सुदूरपश्चिम र कोशीका डीआईजी आज पुरस्कृत, लुम्बिनीको पालो भोलि