धनगढी: कैलालीमा ट्याक्टर र मोटरसाइकल एकआपसमा ठोक्किदा एकजनाको मृत्यु भएको छ। कैलालीको भजनी नगरपालिका–७ चर्रा स्थित हुलाकी सडकमा से १ त १७८६ नम्बरको ट्याक्टर र से ६ प १०६१ नम्बरको मोटरसाइकल एकआपसमा ठोक्किएर दुर्घटना हुँदा मोटरसाइकल चालक कैलारी गाउँपालिका–५ बस्ने २२ वर्षीय आशिमकुमार चौधरीको मृत्यु भएको हो।
जिल्ला प्रहरी कार्यालय कैलालीका अनुसार दुर्घटनामा गम्भिर घाइते भएका चौधरीलाई उपचारको लागि नवजीवन अस्पताल धनगढी लगिएको थियो। त्यहाँ चिकित्सकले चेकजाँच गर्दा मृत्यु घोषणा गरेको प्रहरीले जानकारी दिएको छ।
मोटरसाइकलमा पछाडी सवार सोही ठाउँ बस्ने २२ वर्षीय डेबिट चौधरी घाइते भएका छन्।
डेबिटको नवजीवन अस्पताल धनगढीमा उपचार भइरहेको छ। ट्याक्टर र ट्याकटर चालक भजनी नगरपालिका–७ का ५२ वर्षीय शिबकुमार अहीरलाई प्रहरीले नियन्त्रणमा लिएर आवश्यक अनुसन्धान गरिरहेको जनाएको छ।