धनगढी: नेपाल प्रहरीका डीएसपी गङ्गाबहादुर थापा उत्कृष्ट प्रहरी घोषित भएका छन्। कैलालीस्थित इलाका प्रहरी कार्यालय मालाखेतीका प्रमुखसमेत रहेका थापा उत्कृष्ट प्रहरी घोषित भएका हुन्।
६९ औँ प्रहरी दिवसको अवसरमा बुधबार उनलाई उत्कृष्ट घोषित गर्दै सुदूरपश्चिम प्रदेश प्रहरी कार्यालयबाट पुरस्कृत भएका हुन्।
उनलाई सुदूरपश्चिमका मुख्यमन्त्रीले पुरस्कृत गरेका थिए। उनी सम्मानित हुने सुदूरपश्चिमका एक्ला डीएसपी हुन्।
कुशल कमाण्ड क्षमता भएका थापाले मालाखेती प्रहरीको नेतृत्व गरेपछि अपराध अनुसन्धान, ड्रग्स नियन्त्रण तथा होटलमा हुने यौनजन्य गतिविधिमा निर्मम भएर उल्लेखनीय काम गरेको बताइन्छ।
सोही कार्यक्रममा थापासँगै १० जना अन्य प्रहरी कर्मचारी पनि सम्मानित भएका थिए।
Facebook Comments Box