डडेल्धुरा । डडेल्धुरामा पनि प्रहरी दिवस मनाइएको छ । ६९औं प्रहरी दिवसको अवसरमा श्रद्धाञ्जली तथा सम्मान कार्यक्रम गरिएको हो।
जिल्ला प्रहरी कार्यालय डडेल्धुराको आयोजनामा भएको कार्यक्रममा पूर्वप्रहरी संगठनका पदाधिकारी, अमर प्रहरीका आश्रित परिवार, अशक्त पूर्वप्रहरी तथा पूर्वप्रहरी र प्रहरी कर्मचारीहको उपस्थिति रहेको थियो।
उक्त अवसरमा अमर प्रहरीका आश्रित परिवारलाई कार्यक्रमका प्रमुख अतिथि तथा जिल्ला प्रहरी कार्यालय प्रमुख, प्रहरी नायब उपरीक्षक सुगन्ध श्रेष्ठले कदरपत्र प्रदान गरेका छन्।
अमर प्रहरी स्मारकमा पुष्प हार अर्पण गरिएको थियो भने अमर प्रहरीप्रति शोक सलामी अर्पण पनि गरिएको थियो । कार्यक्रममा प्रहरी निरीक्षक डम्बर बिष्टले प्रहरी दिवसका अवसरमा प्रहरी महानिरीक्षक बसन्तबहादुर कुँवरको शुभकामना सन्देश बाचन गरेका थिए।
Facebook Comments Box