धनगढी: कैलालीको धनगढीमा प्रहरीलाई हातपात गर्ने एक युवकलाई नियन्त्रणमा लिइएको छ। हिजो (शुक्रबार) बेलुका धनगढीका एक युवकलाई नियन्त्रणमा लिइएको हो।
धनगढी उपमहानगरपालिका २ सन्तोषी टोल बस्ने अन्दाजी २४ वर्षीय हरि जोशीलाई प्रहरीमाथि हातपात गरेको आरोपमा समातिएको हो।
मदिरा सेवन गरेर मोटरसाइकल चलाइरहेका जोशीको बसपार्क नजिक चेक पोइन्टमा चेकजाँच गर्दा विवाद भएको थियो।
चेकजाँच गर्ने क्रममा जोशीले प्रहरी जवानलाई हातपात गरेको बताइएको छ। त्यसपछि उनलाई हिजै नियन्त्रणमा लिएर हिरासतमा लिइएको थियो।
Facebook Comments Box