धनगढी: कैलालीको धनगढीमा चार पसलमा आगलागी भएको छ। धनगढी उपमहानगरपालिका–४ मा आइतबार राति आगलागी भएको जिल्ला प्रहरी कार्यालय कैलालीले जनाएको छ।
कार्यालयका सहप्रवक्ता प्रहरी निरीक्षक दर्शन खड्काका अनुसार समिर मोबाइल ग्यालरी, अर्जुन आर्ट, न्यूलब्ली टेलर्स र श्रीकृष्ण इन्टरप्राइजेजमा आगलागी भएको हो। ‘आगलागीबाट भएको क्षतिको प्रारम्भिक विवरण संकलन गरेका छौं,’ प्रहरी निरीक्षक खड्काले भने, ‘मोबाइल ग्यालरीमा १० लाख, अर्जुन आर्टमा नौं लाख, लब्ली टेलर्समा पाँच लाख र श्रीकृष्ण इन्टरप्राइजेजमा एक करोड बढीको क्षति भएको छ।’
प्रहरी निरीक्षक खड्काका अनुसार विद्युतको तार सर्ट भएर मोबाइल ग्यालरीबाट आगलागी सुरु भएको हो। धनगढी उपमहानगरपालिकाको दमकल र स्थानीयको सहयोगमा आगो नियन्त्रणमा आएको प्रहरीले जनाएको छ।
Facebook Comments Box