धनगढी: कैलालीमा साढु दाईकाे घरकाे बरन्डामा सुतेका एक जना मृत भेटिएका छन्।
जिल्लाकाे घाेडघाेडी नगरपालिका-७ परैचा बस्ने ४८ वर्षीय साेमन चाैधरी बिहीबार बिहान मृत फेला परेकाे प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बाेहराले परैचामा साढु दाइ नाता पर्ने बुधराम चाैधरीकाे घरकाे बरन्डामा उनी मृत भेटिएको बताए।
चाैधरी बुधबार राति बुधरामकाे घर गएका थिए।
तर बिहान सुतेकै स्थानमा मृत भेटिएपछि घटनाबारे अनुसन्धान भइरहेको प्रहरीले जनाएको छ।
यस्तै धनगढीमा डिप्रेसनमा परेकी एक किशोरी औषधीकाे ओभर डाेज सेवनपछि अस्पताल भर्ना भएकी छन्।
धनगढी उपमहानगरपालिका -५ हसनपुर बस्ने गजेन्द्र चन्दकाे १६ वर्षीया छाेरी संकृतिले डिप्रेसनकाे ओभर डाेज औषध सेवन गरेकाे प्रहरीले जनाएको छ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बाेहराले गम्भीर अवस्थाकी चन्दकाे निसर्ग हस्पिटलमा उपचार भइरहेको जानकारी दिए।