कैलाली– कैलालीमा बालिकामाथि बलात्कार गरेको आरोपमा एक युवक पक्राउ परेका छन् । जिल्लाको चुरे गाउँपालिकाका २६ वर्षीय दोगेन्द्र बिष्टलाई प्रहरीले पक्राउ गरेको हो ।
उनीमाथि गाउँपालिकाको वडानम्बर ६ खेतबारीमा घाँस काट्ने क्रममा १४ वर्षीया बालिकालाई जबरजस्ती करणी गरेको आरोप लागेको छ ।
जबरजस्ती करणी गरी फरार भएका बिष्टलाई ईलाका प्रहरी कार्यालय फल्टुडेबाट खटिएको प्रहरी टोलीले पक्राउ गरेको जनाएको हो। घटनाबारे थप अनुसन्धान भइरहेको प्रहरीले जनाएको छ।
Facebook Comments Box