कैलाली– कैलालीको एक आइसक्रिम फ्याक्ट्रीमा आगलागी भएको छ। बुधबार बिहान साढे तीन बजेको समयमा गोदावरी नगरपालिका–२ सीएमए गल्ली भित्र पदमबहादुर बोहराले सञ्चालन गरेको गोदावरी आइसक्रिम फ्याक्ट्रीमा आगलागी भएको हो।
विद्युतको तार सर्ट भई आगलागी भएको जिल्ला प्रहरी कार्यालय कैलालीले जनाएको छ। आगलागीबाट १ थान डी फ्रिज जलेर नष्ट भएको र अन्य क्षति भने नभएको कार्यालयका प्रवक्ता प्रहरी नायब उपरीक्षक वेदप्रकाश जोशीले बताए। आगलागी विहान पौने ४ बजेको समयमा भएको र आगो पूर्ण रूपमा नियन्त्रणमा लिइएको उनले बताए।
Facebook Comments Box