झापा – नेकपा एमालेका अध्यक्ष केपी शर्मा ओली आज झापाको क्षेत्र नं. १ स्थित धुलाबारी जाँदै छन् । बृहत कार्यकर्ता भेलालाई सम्बोधन गर्न अध्यक्ष ओली आज धुलाबारी स्थित टाउन हल आउने कार्यक्रम तय भएको एमाले प्रदेश कमिटी सदस्य श्रीप्रसाद मैनालीले जानकारी दिए ।
अध्यक्ष ओली कार्यकर्ता भेटघाट तथा चुनावी प्रचार अभियानका लागि हिजो नै झापा आइसकेका छन् । स्वास्थ्यमा समस्या आएपछि हिजोको केही कार्यक्रमहरु स्थगित भएका थिए । तर, आज धुलाबारीमा हुने बृहत कार्यकर्ता भेलालाई भने ओलीले सम्बोधन गर्ने आयोजकले जनाएको छ ।
विभिन्न कार्यक्रमलाई सम्बोधन गर्न तथा कार्यकर्ता भेटघाटका लागि तीन दिने गृह जिल्ला आएका अध्यक्ष ओली भोली ३ गते दिउसो २.५० बजे भद्रपुरबाट काठमाडौं फर्कने कार्यक्रम छ ।
Facebook Comments Box