काठमाडौँ – कालिकोटको नरहरिनाथ गाउँपालिकाद्वारा सञ्चालित रेडियो सुनथरालीको सामग्री चोरी गरेको आरोपमा प्रहरीले रेडियोका पूर्वस्टेसन म्यानेजरलाई पक्राउ गरेको छ।
रेडियोका सामान चोरी गरेको आरोपमा नरहरिनाथ गाउँपालिका-३ का खगेन्द्र बुढालाई पक्राउ गरिएको जिल्ला प्रहरी कार्यालय कालिकोटले जनाएको छ।
रेडियो सुनथराली ९०।६ मेगाहर्जको ट्रान्समिटरलगायतका महत्त्वपूर्ण सामग्री यही मंसिर ८ गते राति चोरी भएको थियो। मदिरा सेवन गरी चोरी गरेको बुढाले स्वीकार गरेका प्रहरीले जनाएको छ। प्रहरीका अनुसार रेडियोबाट हटाएको रिसमा चोरी गरेको बुढाले बयान दिएका छन्।
बुढालाई ११ गते प्रहरीले नरहरिनाथ गाउँपालिकाबाटै पक्राउ गरी जिल्ला प्रहरी कार्यालयमा ल्याएको हो। अहिलेसम्म रेडियो र पालिकाले उजुरी नदिएका र प्रहरीले आफ्नो कर्तव्य पूरा गरेको प्रहरीले जनाएको छ।
Facebook Comments Box