काठमाडौं- सुदूरपश्चिमका प्रदेशसभा सदस्यले आज शपथ लिँदैछन् । प्रदेशसभाका ज्येष्ठ सांसद मानबहादुर रावलले दिउँसो १ बजे प्रदेश प्रमुख देवराज जोशीबाट शपथ ग्रहण गर्ने छन् ।
त्यसपछि रावलले दिउँसो साढे १ बजे अन्य ५२ जना सांसदलाई शपथ खुवाउने बताइएको छ । उनीहरुको शपथ ग्रहणका लागि तयारी पूरा भएको प्रदेशसभा सचिवालयका सूचना अधिकारी युवराज जैशीले बताए ।
उनका अनुसार नागरिक उन्मुक्ति पार्टीका पाँच जना र नेपाली कांग्रेसकी समानुपातिक सांसद गीता चौधरीले मातृ भाषामा शपथ ग्रहणका लागि नाम टिपाएका छन् । अन्यले नेपाली भाषामै शपथ ग्रहण गर्ने छन् ।
Facebook Comments Box