बैतडी –बैतडीको दशरथचन्द नगरपालिकामा जारी मेयर कप क्रिकेट प्रतियोगिता अन्तर्गतका सेमीफाइनल समीकरण पूरा भएको छन्। दशरथचन्द नगरपालिका ५ ले आज वडा नं ७ र ११ को टीमलाई हराउँदै सेमीफाइनलमा प्रवेश गरेको हो। दशरथ नगरपालिका ४, ५, ६ र वडा १० सेमीफाइनलमा प्रवेश गरेका प्रशिक्षक दिपेन्द्र बोहराले बताए।
आज भएको पहिलो खेलमा दशरथ चन्द नगपालिका ५ ले वडा नम्बर ७ लाई १२९ रनले पराजित गरेको छ। टस जितेर पहिले ब्याटिङ गरेको दनपा ५ ले १८.३ ओभरमा १९१ रन बनायो।
१९२ रनको विजयी लक्ष्यका साथ मैदान उत्रेको दनपा ७ को टोली ७.५ ओभर खेल्दै ६२ रनमा अलआउट भयो। सो खेलमा दनपा ५ का जगदीश चन्द म्यान अफ दि म्याच घोषित भए।
यस्तै आजै भएको दोश्रो खेलमा दनपा ५ ले दनपा ११ को टोलीलाई ७२ रनले पराजित गरेको छ। टस जितेर पहिला ब्याटिङ गरेको दनपा ५ ले १५७ रन बनायो। १५८ रनको विजयी लक्ष्यका साथ मैदान उत्रेको दनपा ११ को टोली १६।४ ओभर खेल्दै ८५ रनमा अलआउट भयो। सो खेलमा दनपा ५ का रुबी चन्द म्यान अफ दि म्याच घोषित भए।