काठमाडौ – पोखरा विमान दुर्घटनामा हराइरहेकामध्ये थप एकजनाको शव भेटिएको छ ।
सेती खोँचमा थप एकजनाको शव भेटिएपछि अब तीनजनाको अवस्था मात्र अज्ञात रहेको कास्कीका सहायक प्रमुख जिल्ला अधिकारी अनिलकुमार शाहीले जानकारी दिए।
पछिल्लो शव सेतीको पानीबाट निकालिएको हो । घटनास्थलमा अहिले पनि उद्दार कार्य जारी छ । यस्तै, शवको पोस्टमार्टमपछि परिवारलाई हस्तान्तरण गर्ने प्रक्रिया सुरु भएको छ
आइतबार काठमाडौंबाट पोखराको लागि उडेको यती एयरलाइन्सको विमान पोखरा विमानस्थलनजिकै सेतीको खोचमा दुर्घटनाग्रस्त भएको थियो । बिहान १०स्३२ मा काठमाडौंबाट उडेको उक्त विमानमा चालक दलका ४ जना र ६८ यात्रुससहित ७२ जना सवार थिए । ती मध्ये ६८ जनाको शव आइतबार नै फेला परेको थियो ।
Facebook Comments Box