धनगढी: डडेल्धुराको भागेश्वर गाउँपालिका-२ घर भई डोटीमा कार्यरत एक प्रहरी सहायक हवल्दारको मृत्यु भएको छ। इलाका प्रहरी कार्यालय विपिनगरमा कार्यत ३६ वर्षीय प्रहरी सहायक हवल्दार बहादुरसिंह पालीको मृत्यु भएको डोटी प्रहरीले बताएको छ।
जिल्ला प्रहरी कार्यालय डोटीका अनुसार बुधबार बिहान ३ बजेदेख ६ बजे सम्मको कार्यालय ड्युटीमा रहेका उनी एक्कासी छाति दुखेर बेहोस भएका थिए। त्यसपछि उनलाई स्थानीय विपिनगर पोलिक्लिनक लगिएको थियो।
तर त्यहाँ उपचार सम्भव नभएपछि थप उपचारको लागि बिहान ४ बजे सेती प्रादेशिक अस्पताल धनगढी रेफर गरिएका पालीलाई चिकित्सकले मृत घोषणा गरेको डोटी प्रहरीले जनाएको छ।
त्यहाँ सामान्य चेकजाँचपश्चात थप उपचारको लागि बिहान ४ बजे उनलाई सेती प्रादेशिक अस्पताल धनगढी ल्याइएको थियो।
तर, सेती प्रादेशिक अस्पताल धनगढीमा साढे ६ बजेतिर पुर्याइएका उनलाई ६ बजेर ४० मिनेटमा चिकित्सकले मृत घोषणा गरेको प्रहरीले जनाएको छ।